నానో ఫ్లాప్; టాటా నుంచి మరొక కాంపాక్ట్ కారు 'ఎక్స్ఓ'!

అయితే, టాటా నానో అమ్మకాలు మందకొడిగా సాగుతుండటంతో టాటా మోటార్స్ ఈ ప్లాంటులో నానో ఉత్పత్తి సామర్థ్యాన్ని భారీగా తగ్గించి వేసింది. నానో విషయంలో ఈ పరిస్థితి ఇలాగే కొనసాగితే కొద్దిరోజులకు ఈ ప్లాంటు మూతపడే ఆస్కారం ఉంది. ఈ నేపథ్యంలో, సనంద్ ప్లాంటులో ఉత్పత్తి సామర్థ్యాన్ని పెంచుకునేందుకు ఇక్కడే మరొక కాంపాక్ట్ కారును తయారు చేయాలని టాటా మోటార్స్ భావిస్తోంది.

సనంద్ ప్లాంటుపై కంపెనీ భారీ పెట్టుబడులు పెట్టి ఉండటం, వీటికి తగిన ప్రతిఫలం ఈ ప్లాంటును లభించకపోవడంతో ఈ ప్లాంటులో ఇతర మోడళ్లను ఉత్పత్తి చేసేలా దీనిని మోడిఫై చేయాలని కంపెనీ లక్ష్యంగా పెట్టుకుంది. పరిశ్రమ వర్గాల సమాచారం ప్రకారం, ప్రస్తుతం టాటా మోటార్స్ 'ఎక్స్ఓ' అనే పేరతో ఓ కాంపాక్ట్ కారు అభివృద్ధి చేస్తోంది. 2015 నాటికి ఇది మార్కెట్లో విడుదల కావచ్చని సమాచారం.

టాటా మోటార్స్ అందిస్తున్న పాపులర్ ఇండికా ప్లాట్‌ఫామ్‌ను ఆధారంగా చేసుకొని ఈ ఎక్స్ఓ కాంపాక్ట్ కారును కంపెనీ అభివృద్ధి చేస్తున్నట్లు తెలుస్తోంది. సనంద్ ప్లాంటులో 20 శాతానికి తగ్గకుండా ఉత్పత్తి సామర్థ్యాన్ని వినియోగించుకోవాలనే ఉద్దేశ్యంతో ఈ ఎక్స్ఓ కారును సనంద్ ప్లాంటులో ఉత్పత్తి చేయనున్నారని కంపెనీ ప్రతినిధిని ఉటంకిస్తూ ఎకనామిక్ టైమ్స్ పేర్కొంది.