Click it and Unblock the Notifications
బిఎమ్డబ్ల్యూ ఎక్స్1పై ఆకర్షనీయమైన ఎక్సేంజ్ ఆఫర్
జర్మన్ లగ్జరీ కార్ కంపెనీ బిఎమ్డబ్ల్యూ భారత మార్కెట్లో అందిస్తున్న ఎంట్రీ లెవల్ లగ్జరీ కారు బిఎమ్డబ్ల్యూ ఎక్స్1 కోసం కంపెనీ ఓ ఆకర్షనీయమైన ఎక్సేంజ్ ఆఫర్ స్కీమ్ను ప్రవేశపెట్టింది. ఈ ఆఫర్లో భాగంగా మీ పాత కారును ఎక్సేంజ్ చేసుకొని, రూ.24.99 లక్షల (ఎక్స్-షోరూమ్, ఢిల్లీ) ధరకే కొత్త బిఎమ్డబ్ల్యూ ఎక్స్1ను సొంతం చేసుకోవచ్చు.
ఎంట్రీ లెవల్ లగ్జరీ కార్ సెగ్మెంట్లో పెరుగుతున్న పోటీని తట్టుకునేందుకే కంపెనీ ఈ ఆఫర్ను ప్రవేశపెట్టినట్లు తెలుస్తోంది. ఇదే కాకుండా, బిఎమ్డబ్ల్యూ ఎక్స్1పై కంపెనీ ఆకర్షనీయమైన ఫైనాన్స్ స్కీమ్ను అందిస్తోంది. ఇందులో భాగంగా, కేవలం 5.99 లక్షల డౌన్పేమెంట్ను చెల్లించి కొత్త బిఎమ్డబ్ల్యూ ఎక్స్1ను సొంతం చేసుకోవచ్చు. ఈ ఆఫర్లకు సంబంధించిన మరిన్ని వివరాల కోసం మీ సమీపంలోని అధీకృత బిఎమ్డబ్ల్యూ డీలరును సంప్రదించండి.
బిఎమ్డబ్ల్యూ ఎక్స్1లో 2.0 లీటర్ టర్బోఛార్జ్డ్ డీజిల్ ఇంజన్ను ఉపయోగించారు. ఇది గరిష్టంగా 184 పిఎస్ల శక్తిని, 380 ఎన్ఎమ్ల టార్క్ను ఉత్పత్తి చేస్తుంది. ఈ ఇంజన్ 8-స్పీడ్ ఆటోమేటిక్ ట్రాన్సిమిషన్తో జతచేయబడి ఉంటుంది. ఈ కారు ఉత్తమ నాణ్యతను కలిగి ఉండటమే కాకుండా, పెర్ఫామెన్స్, లగ్జరీ, సేఫ్టీ వంటి విషయాల్లో ఎక్కడా కూడా రాజీపడకుండా ఉంటుంది.
గడచిన 2009లో విడుదలైన బిఎమ్డబ్ల్యూ ఎక్స్1 క్రాసోవర్ ఎన్నో ప్రశంసలు, అనేక అంతర్జాతీయ అవార్డులను దక్కించుకుంది. క్రాసోవర్ క్యాటగిరీలో ఆఫ్-రోడర్ ఆఫ్ ది ఇయర్, 2010లో న్యూ కార్ ఆఫ్ ది ఇయర్ వంటి అవార్డులు కూడా బిఎమ్డబ్ల్యూ ఎక్స్1 క్రాసోవర్ను వరించాయి.
Continue with Google