ఫెరారీ 458 స్పెషల్ తొలి వీడియో టీజర్ విడుదల

ఇటాలియన్ కార్ కంపెనీ ఫెరారీ అందిస్తున్న ఫెరారీ 458 ఇటాలియాకు అప్‌గ్రేడెడ్ మోడల్‌గా రానున్న 'ఫెరారీ 458 స్పెషల్' (Ferrari 458 Speciale)ను హై-రెజల్యూషన్ ఫొటోలను విడుదల చేసిన కంపెనీ, ఇప్పుడు తాజా ఈ సూపర్‌కారు సంబంధించి ఓ కొత్త వీడియోను విడుదల చేసింది. ఫెరారీ 458 ఇటాలియా విడుదలై 4 ఏళ్లు పూర్తయిన సందర్భంగా, కంపెనీ ఈ మోడల్‌ను అభివృద్ధి చేసింది.

ఫెరారీ 458 స్పెషల్ (ఇటాలియన్ భాషలో దీనిని 'ఫెర్రారీ 458 స్పిచాలే' అని పిలుస్తారు) సూపర్ కారును వచ్చే నెలో ఫ్రాంక్‌ఫర్ట్‌లో జరగనున్న అంతర్జాతీయ మోటార్ షోలో ప్రదర్శించనున్నారు.

ఫెరారీ విడుదల చేసిన ఈ టీజర్ వీడియోలో త్వరలో విడుదల కానున్న ఫెరారీ 458 స్పెషల్ కారులోని అన్ని డీటేల్స్‌ను (ఇంటీరియర్ లుక్‌తో కలిపి) చూడొచ్చు. ఫెరారీ 430 స్కూడెరియాకు సక్సెసర్‌గా వస్తున్న మోడలే ఈ 458 స్పెషల్. ఇది ప్రస్తుతం లభిస్తున్న 458 ఇటాలియా మోడల్ కన్నా లైట్‌గా ఉండటమే కాకుండా, దానికన్నా మరింత శక్తివంతంగా ఉంటుంది. మరి ఈ టీజర్ వీడియోను మీరు కూడా వీక్షించండి.
<center><iframe width="600" height="450" src="//www.youtube.com/embed/eUEcWmIw4SE?rel=0" frameborder="0" allowfullscreen></iframe></center>
ఫెరారీ 458 స్పెషల్‌లో ఇంజన్ పరంగా పెద్దగా మార్పులు లేవు. 458 ఇటాలియాలో ఉపయోగించిన 562 హార్స్ పవర్, 4.5 లీటర్, వి8 ఇంజన్‌నే ఈ కారులోను ఉపయోగించారు. అయితే, దీని పవర్‌ను మాత్రం కొద్దిగా పెంచి (597 హార్స్ పవర్‌కు) రీట్యూన్ చేశారు. ఇది కేవలం 3.0 సెకండ్లలోనే 0-100 కిలోమీటర్ల గరిష్ట వేగాన్ని, 9.1 సెకండ్ల వ్యవధిలోనే 0-200 కిలోమీటర్ల గరిష్ట వేగాన్ని అందుకుంటుంది. ఫెరారీ 458 ఇటాలియాతో పోల్చుకుంటే ఫెరారీ 458 స్పెషల్ బరువు తక్కువగా ఉంటుంది. దీని మొత్తం బరువు 1290 కేజీలు మాత్రమే.