భారత్‌లో లక్షకు పైగా చెవర్లే తవేరా వాహనాలు వెనక్కి!

ఈ సమస్యల కారణంగా ఇప్పటికే ఈ మోడల్ ఉత్పత్తి నిలిచిపోయింది. ఈ సమస్యలు వాహన సేఫ్టీకి సంబంధించినవి కావని, కాలుష్య నిబంధనలకు సంబంధించినవని కంపెనీ తెలిపింది. గడచిన ఏడాది కాలంలో వివిధ వాహన కంపెనీలు ఇలా రీకాల్‌ను ప్రకటించడం ఇది 9వ సారి. తవేరా భారత్ స్టేజ్ 3 (2.5 లీటర్ వేరియంట్)లో ఎమిషన్ (కాలుష్య) సమస్యలు, తవేరా బిఎస్ 4 (2.0 లీటర్ వేరియంట్)లో స్పెసిఫికేషన్ సమస్యలు ఉన్నట్లు జనరల్ మోటార్స్ వివరించింది.

జనరల్ మోటార్స్ ఇండియాకు దేశవ్యాప్తంగా 280 డీలర్ల ద్వారా రీకాల్ చేసిన వాహనాల్లో లోపపూరిత భాగాన్ని ఉచితంగా రీప్లేస్ చేస్తామని, ఈ విషయానికి సంబంధించి కస్టమర్లకు ఎలా, ఎప్పుడు తమ వాహనాలను సర్వీస్‌కు తీసుకురావాలోననేది ప్రత్యేకంగా తెలియజేస్తామని కంపెనీ పేర్కొంది. చెవర్లే తవేరా ఎమ్‌పివిని ఎక్కువగా పెద్ద కుటుంబాలు కలిగిన కలిగి వారు అలాగే టాక్సీ, టూరింగ్ వాహనాల ప్రయోజనం కోసం వినియోగించుకునే వారు కొనుగోలు చేస్తుంటారు.