Click it and Unblock the Notifications
నేపాల్ మార్కెట్లో హోండా అమేజ్ కాంపాక్ట్ సెడాన్ విడుదల
నేపాల్లో సైకర్ ట్రేడింగ్ కంపెనీ ద్వారా హోండా తమ అమేజ్ కార్లను అక్కడి మార్కెట్లో విక్రయించనుంది. పూర్తిగా భారతదేశంలో తయారైన అమేజ్ కార్లను నేపాల్కు సిబియూ (కంప్లీట్లీ బిల్ట్ యూనిట్) రూట్లో ఎగుమతి చేయనున్నారు. నేపాల్ మార్కెట్లో హోండా అమేజ్ కాంపాక్ట్ సెడాన్ ప్రారంభ ధర రూ.15.92 లక్షలు (ఎక్స్-షోరూమ్)గా ఉంది. రూపాయి విలువతో పోల్చుకుంటే నేపాలీ రూపాయి విలువ తక్కువ కాబట్టే అక్కడి మార్కెట్లో ఇది అంత ధర పలుకుతుంది.
నేపాల్ మార్కెట్లో ఇది మూడు వేరియంట్లలో లభ్యమవుతుంది. వాటి ధరల వివరాలు ఇలా ఉన్నాయి:
- హోండా అమేజ్ ఈ ఎమ్టి - రూ.15.92 లక్షలు
- హోండా అమేజ్ ఈఎక్స్ ఎమ్టి - రూ.16.55 లక్షలు
- హోండా అమేజ్ ఎస్ ఎమ్టి - రూ.17.79 లక్షలు
ప్రారంభంలో భాగంగా నేపాల్లో అమేజ్ కాంపాక్ట్ సెడాన్ కేవలం పెట్రోల్ వేరియంట్లోనే లభ్యం కానుంది. నేపాల్ వెర్షన్ హోండా అమేజ్ కాంపాక్ట్ సెడాన్లో 1.2 లీటర్ ఐ-విటెక్ పెట్రోల్ ఇంజన్ను ఉపయోగించనున్నారు. ఇది గరిష్టంగా 88 బిహెచ్పిల శక్తిని, 110 ఎన్ఎమ్ల టార్క్ను ఉత్పత్తి చేస్తుంది. ఈ ఇంజన్ను 5-స్పీడ్ మ్యాన్యువల్ ట్రాన్సిమిషన్తో జతచేయబడి ఉంటుంది.
Continue with Google