అమ్మకాల్లో సరికొత్త మైలురాయిని దాటిన హోండా అమేజ్

జపనీస్ కార్ కంపెనీ హోండా కార్స్ ఇండియా లిమిటెడ్ (హెచ్‌సిఐఎల్) ఇటీవలే భారత మార్కెట్లో విడుదల చేసిన తమ మొట్టమొదటి డీజిల్ కారు 'హోండా అమేజ్' (Honda Amaze) కాంపాక్ట్ సెడాన్ దేశీయ విపణిలో హాట్ కేకుల్లా అమ్ముడుపోతుంది. ఎంతో కాలంగా హోండా డీజిల్ కారు కోసం ఎదురుచూస్తున్న హోండా ప్రియుల కోసం, సరసమైన ధరకే అమేజ్ సెడాన్‌ను కంపెనీ విడుదల చేయటంతో ఇక ఈ మోడల్ బ్రేకులు లేకుండా జోరు కొనసాగిస్తోంది.

ఈ ఏడాది ఏప్రిల్ నెలలో భారత మార్కెట్లో విడుదలైన హోండా అమేజ్ ఇప్పటి వరకూ 30,000 యూనిట్లకు పైగా అమ్ముడపోయాయి. ఇంకా అధిక సంఖ్యలో బుకింగ్‌లు క్యూలో ఉన్నాయి. హోండా కంపెనీ చరిత్రలో అతి తక్కువ సమయంలో ఇంత ఎక్కు సంఖ్యలో అమ్ముడుపోయిన మోడల్ హోండా అమేజ్ కావటం మరొక విశేషం. అమేజ్ రాకతో ఏప్రిల్-జులై 2013 మధ్య హోండా అమ్మకాలు 65 శాతం వృద్ధి చెందాయంటే అమేజ్ ఎంతటి సక్సెస్‌ను సాధించే ఇట్టే అర్థమైపోతుంది.

హోండా అమేజ్‌కు సంబంధించిన మరిన్న వార్తల కోసం ఈ లింక్‌పై క్లిక్ చేయండి.