మహీంద్రా ఈ2ఓ ఎలక్ట్రిక్ కార్ ధరల వెల్లడి

ప్రముఖ ఎలక్ట్రిక్ కార్ల తయారీ కంపెనీ మహీంద్రా రేవా తాజాగా ఢిల్లీ మార్కెట్లో విడుదల చేసిన తమ సరికొత్త ఫోర్-సీటర్ ఎలక్ట్రిక్ కారు 'మహీంద్రా ఈ2ఓ'ను దశల వారీగా దేశంలోని వివిధ ప్రధాన నగరాల్లో విడుదల చేయనుంది. ఈ నేపథ్యంలో, వివిధ నగరాల్లో తమ ఎలక్ట్రిక్ కారు ధరలను కంపెనీ వెల్లడించింది.

ఈ కారుపై ఢిల్లీ సర్కారు ఇచ్చిన సబ్సిడీలతో ఇది అక్కడి మార్కెట్లో కేవలం రూ.5.96 లక్షల (బేస్ వేరియంట్) ఆన్-రోడ్ ధరకే లభ్యమవుతోంది. ఈ కారు ధరలో 15 శాతం తగ్గింపు, 12.5 శాతం వ్యాట్ రీఫండ్, ప్రస్తుత రోడ్ ట్యాక్స్‌లో 50 శాతం తగ్గింపులను ఢిల్లీ సర్కారు తమపై వేసుకొని దాదాపు రూ.1.8 లక్షల రాయితీని అందిస్తోంది. అందుకే ఇది అక్కడి మార్కెట్లో అంత తక్కువ ధరకు లభ్యమవుతోంది.