Click it and Unblock the Notifications
మారుతి సుజుకి వ్యాగన్ఆర్ స్టింగ్రే విడుదల; ధర రూ.4.09 లక్షలు
దేశపు అగ్రగామి ప్యాసింజర్ కార్ల తయారీ కంపెనీ మారుతి సుజుకి ఇండియా, భారతీయులకు మరొక కొత్త కారును పరిచయం చేసింది. కంపెనీ అందిస్తున్న వ్యాగన్ఆర్ సిరీస్లో 'వ్యాగన్ఆర్ స్టింగ్రే' (WagonR Stingray) పేరుతో ఓ సరికొత్త పెట్రోల్ కారును మారుతి సుజుకి విడుదల చేసింది. ఈ కొత్త మారుతి సుజుకి వ్యాగన్ఆర్ స్టింగ్రే కారు మూడు వేరియంట్లలో లభ్యం కానుంది. వాటి ధరల వివరాలు ఇలా ఉన్నాయి:
- మారుతి సుజుకి వ్యాగన్ఆర్ స్టింగ్రే ఎల్ఎక్స్ఐ: రూ.4,09,999
- మారుతి సుజుకి వ్యాగన్ఆర్ స్టింగ్రే విఎక్స్ఐ: రూ.4,37,999
- మారుతి సుజుకి వ్యాగన్ఆర్ స్టింగ్రే విఎక్స్ఐ (ఆప్షనల్): రూ.4,66,999
(అన్ని ధరలు ఎక్స్-షోరూమ్, ఢిల్లీ)
మారుతి సుజుకి వ్యాగన్ఆర్ స్టింగ్రే కారులో 1.0 లీటర్ కె10 పెట్రోల్ ఇంజన్ను ఉపయోగించారు (ప్రస్తుతం మార్కెట్లో లభ్యమవుతున్న రెగ్యులర్ వ్యాగన్ఆర్, ఆల్టో కె10, ఏ-స్టార్ మరియు ఎస్టిలో కార్లలో కూడా ఇదే ఇంజన్ను ఉపయోగిస్తున్నారు).
ఈ ఇంజన్ గరిష్టంగా 68 పిఎస్ల శక్తిని, 90 ఎన్ఎమ్ల టార్క్ను ఉత్పత్తి చేస్తుంది. ఈ ఇంజన్ 5-స్పీడ్ మ్యాన్యువల్ ట్రాన్సిమిషన్తో జతచేయబడి ఉంటుంది. వ్యాగన్ఆర్ స్టింగ్రే ప్రస్తుతానికి పెట్రోల్ వెర్షన్లో మాత్రమే లభ్యం కానుంది. రెగ్యులర్ వెర్షన్ మాదిరిగా ఇందులో సిఎన్జి వేరియంట్ అందుబాటులో లేదు. ఈ కారుకు సంబంధించిన మరిన్ని లేటెస్ట్ అప్డేట్స్ కోసం తెలుగు డ్రైవ్స్పార్క్ను గమనిస్తూనే ఉండండి.
Continue with Google