ఫిబ్రవరి 6న విడుదల కానున్న కొత్త హ్యుందాయ్ శాంటాఫే

సరికొత్త హ్యుందాయ్ శాంటాఫే విడుదలకు ముహుర్తం ఖరారైంది. పూర్తిగా సరికొత్త ప్లాట్‌ఫామ్‌పై తయారు చేసిన నెక్స్ట్ జనరేషన్ 2014 శాంటాఫే ఎస్‌యూవీని వచ్చే ఏడాది ఫిబ్రవరి 6న హ్యుందాయ్ మోటార్ ఇండియా, దేశీయ విపణిలో విడుదల చేయనుంది. ఇదివరకటి తరం శాంటాఫేతో పోల్చుకుంటే, కొత్త శాంటాఫే 40 మి.మీ. పొడవును, 5 మి.మీ. వెడల్పులను కలిగి ఉంటుంది.

అలాగే దీని రూఫ్‌లైన్‌ను 45 మి.మీ. తగ్గించారు. కానీ వీల్‌‌బేస్‌ను మాత్రం యధావిధిగా 2700 మి.మీ. గానే ఉంచారు. వీటిని బట్టి చూస్తుంటే, కొత్త హ్యుందాయ్ శాంటాఫే మునుపటి వెర్షన్ కన్నా మరింత ఎక్కువ ఇంటీరియర్ స్పేస్‌ను ఆఫర్ చేయనుందని తెలుస్తోంది. ఇందులో 7-సీటర్ ఆప్షన్ అందుబాటులోకి వచ్చిన ఆశ్చర్యపోవాల్సిన అవసరం లేదు.

ఇకపోతే, లేటెస్ట్ అప్‌డేట్ ప్రకారం, కొత్త హ్యుందాయ్ శాంటాఫే ఎస్‌యూవీలో పవర్‌ఫుల్ 2.2 లీటర్ విజిటి (వేరియబల్ జియోమెట్రీ టర్బో) డీజిల్ ఇంజన్‌ను ఉపయోగించనున్నారు. ఈ ఇంజన్ గరిష్టంగా 194 బిహెచ్‌పిల శక్తిని, 44.55 కెజిఎమ్‌ల టార్క్‌ను ఉత్పత్తి చేస్తుంది. ఎక్కువ మైలేజ్, తక్కువ కర్బణ వ్యర్థాలను విడుదల చేసేలా ఈ ఇంజన్‌ను రీట్యూన్ చేశారు.

భారత మార్కెట్లో కొత్త 2014 హ్యుందాయ్ శాంటాఫే ప్రారంభ ధర రూ.22 లక్షలు (ఎక్స్-షోరూమ్) ఉండొచ్చని అంచనా. ఇది టూ-వీల్ డ్రైవ్, ఆల్-డ్రైవ్ ఆప్షన్లతో లభ్యం కానుంది. కొత్త శాంటాఫేలో రీడిజైన్ చేయబడిన ఎక్స్టీరియర్లతో పాటుగా, మెరుగైన నాణ్యత, కొత్త ఎక్విప్‌మెటంట్స్ మరియు ఫీచర్లను ఇందులో ఆశించవచ్చు. లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూనే ఉండండి.