టాటా ప్లాంటులో టాటా కార్లకు మాత్రమే పార్కింగ్ సౌకర్యం

తమ స్వంత వాహనాలను ఉద్యోగుల ద్వారా ప్రమోట్ చేసేందుకు ఈ నిర్ణయం తీసుకున్నామని, ఇలా చేయటం వలన వర్కర్లు గర్వపడుతారని కంపెనీ పేర్కొంది. ఈ తరహా నిర్ణయం తీసుకుంది కేవలం టాటా మోటార్స్ మాత్రమే కాదు. గడచిన కొద్ది సంవత్సరాలుగా హ్యుందాయ్ మోటార్ ఇండియా కూడా ఇదే విధానాన్ని అనుసరిస్తుంది. మరికొన్ని కార్ కంపెనీలు తమ కార్లను ప్రమోట్ చేసేందుకు సంస్థలో పనిచేస్తున్న ఉద్యోగులకు 30 శాతం వరకు డిస్కౌంట్‌ను ఆఫర్ చేస్తున్నాయి.

బ్రాండ్ ఇమేజ్‌ను ప్రమోట్ చేసేందుకు, టాటా మోటార్స్ భాగమయ్యేందుకు, ఉద్యోగులంతా టాటా వాహనాలను కలిది ఉండేలా ప్రోత్సహించేందుకే కంపెనీ యాజమాన్యం నిర్ణయించిందని, ఈ నేపథ్యంలో ఇందుకు కట్టుబడి ఉండే దిశలో తొలి అడుగుగా కేవలం టాటా వాహనాలను మాత్రమే ప్లాంటులోకి అనుమతించాలని, ఇతర వాహనాలను వెలుపలి వైపు (వాణిజ్య వాహనాల బిజినెస్ యూనిట్) ఉన్న పార్కింగ్ ప్రదేశంలో పార్క్ చేసేలా నిర్ణయం తీసుకోవటమైనది టాటా మోటార్స్ పూనే ప్లాంటులోని ఓ సర్క్యులర్‌లో పేర్కొనడం జరిగింది.