వార్షికోత్స ఎడిషన్ డస్టర్ ఎస్‌యూవీని విడుదల చేసిన రెనో

ఫ్రాన్స్‌కు చెందిన ప్రముఖ కార్ల తయారీ కంపెనీ రెనో ఇండియా తమ పాపులర్ కాంపాక్ట్ ఎస్‌యూవీ రెనో డస్టర్‌ను భారత మార్కెట్లో విడుదల చేసి అప్పుడు ఏడాది పూర్తయింది. ఈ సందర్భాన్ని పురస్కరించుకొని కంపెనీ ఇందులో ఓ వార్షికోత్సవ ఎడిషన్‌ను ప్రవేశపెట్టింది. త్వరలోనే ఈ వార్షికోత్సవ ఎడిషన్ రెనో డస్టర్ అన్ని అధీకృత డీలర్‌షిప్ కేంద్రాల్లో అందుబాటులోకి రానుంది.

రెనో డస్టర్ యానివర్స్‌రే ఎడిషన్ 'బ్లూ కాస్మోస్' అనే ప్రత్యేకమైన రంగులో, స్పెషల్ బాడీ గ్రాఫిక్స్‌తో లభిస్తుంది. రెనో ఇండియా ఈ వార్షికోత్సవ ఎడిషన్‌ను 'ఎక్స్‌పెక్ట్ మోర్, గెట్ మోర్' అనే ప్రత్యేక స్కీమ్ క్రింద విడుదల చేసింది. ఈ స్కీమ్‌లో భాగంగా, కస్టమర్లకు డస్టర్‌పై రూ.60,000 వరకు నగదు ప్రయోజనాలను, 2 ఏళ్ల అదనపు వారంటీని మరియు 4 ఏళ్ల ఉచిత రోడ్ సైడ్ అసిస్టెన్స్‌ను ఆఫర్ చేస్తుంది.