టాటా నానోపై ఎక్సేంజ్ బోనస్ ఆఫర్

ఈ ఆఫర్‌లో భాగంగా, ఏదైనా పాత ద్విచక్ర వాహనాన్ని ఎక్సేంజ్‌ చేసుకుంటే టాటా నానోపై రూ.15,000 ఎక్సేంజ్ బోనస్‌ను, అలాగే ఏదైనా పాత ఫోర్ వీలర్‌ను ఎక్సేంజ్ చేసుకుంటే కొత్త నానోపై రూ.30,000 ఎక్సేంజ్ బోనస్‌ను కంపెనీ ఆఫర్ చేస్తోంది.

అంతేకాకుండా, మహీంద్రా ఫైనాన్స్ ద్వారా కేవలం రూ.10.99 శాతం వడ్డీ రేటుకే ఆకర్షనీయమైన ఫైనాన్స్ సదుపాయాన్ని కూడా కంపెనీ కల్పిస్తోంది. టాటా నానో కోసం గతంలో కంపెనీ క్రెడిట్ కార్డు స్కీమ్‌ను ప్రవేశపెట్టిన సంగతి తెలిసినదే.

గడచిన కొద్దినెలలుగా టాటా నానో అమ్మకాలు భారీగా క్షీణించాయి. ఇప్పటికే గుజరాత్‌లోని నానో కారు ప్లాంటులో కంపెనీ ఈ మోడల్ ఉత్పత్తి సామర్థ్యాన్ని గణనీయంగా తగ్గించింది. నానో అమ్మకాలను పెంచుకునేందుకు గాను కంపెనీ ఇందులో ఓ కొత్త ఫేస్‌లిఫ్ట్ వెర్షన్‌ను, అలాగే ఓ సిఎన్‌జి వేరియంట్‌ను ఆవిష్కరించింది. అయితే, ఈ మోడళ్లను ఇంకా వాణిజ్యపరంగా అందుబాటులోకి తీసుకురాలేదు.