Click it and Unblock the Notifications
మరికొద్ది రోజుల్లో విడుదల కానున్న ఫేస్లిఫ్ట్ టాటా నానో
గడచిన కొద్ది నెలలుగా టాటా నానో అమ్మకాలు ఆశించిన రీతిలో సాగటం లేదు. కంపెనీ ఇటీవలే గుజరాత్లోని సనంద్లో ఉన్న తమ టాటా నానో ప్లాంటులో ఉత్పత్తి సామర్థ్యాన్ని భారీగా 80 శాతం మేర తగ్గించింది. దీనికి తోడు అత్యంత భారీ వ్యయంతో నిర్మించిన ఈ ప్లాంటులో కేవలం నానో కార్లను తప్ప వేరే కార్లను ఉత్పత్తి చేసే సౌకర్యం లేదు.
ఈ నేపథ్యంలో, ప్రపంచంలో కెల్లా అత్యంత చవక కారుగా గుర్తింపు తెచ్చుకున్న తమ నానో కారును నిలిపివేయటానికి బదులు ఈ కారులో వినియోగదారులు కోరుకున్నట్లుగా మార్పు చేర్పులు చేయటం మంచిదని కంపెనీ భావించింది. గడచిన సంవత్సరం కూడా టాటా నానోలో ఓ రిఫ్రెష్డ్ వేరియంట్ (2012 వేరియంట్)ను సరికొత్త హంగులతో, రీట్యూన్ చేయబడిన ఇంజన్తో ధరలో ఎలాంటి మార్పు లేకుండా కంపెనీ విడుదల చేసిన సంగతి తెలిసినదే.
కాగా.. కొత్తగా రానున్న టాటా నానో ఇంజన్లో కూడా పెద్దగా మార్పులు ఉండే అవకాశాలు కనిపించడం లేదు. అయితే, ఇంటీరియర్స్ మరియు ఎక్స్టీరియర్స్ పరంగా ప్రధానమైన మార్పులు ఉండే అవకాశాలు ఉన్నాయి. ఈ మోడల్ ధర కూడా కాస్తంత అధికంగానే ఉండొచ్చని అంచనా. డీజిల్ వెర్షన్ టాటా నానో, సిఎన్జి వెర్షన్ టాటా నానోల విడుదలకు సంబంధించి కూడా త్వరలోనే ఓ స్పష్టమైన నిర్ణయం వెలువడనుంది. 2013 టాటా నానోకు సంబంధించి లేటెస్ట్ అప్డేట్స్ కోసం తెలుగు డ్రైవ్స్పార్క్ను గమనిస్తూనే ఉండండి.
Continue with Google