వెంటో జిటి టిఎస్ఐను విడుదల చేయనున్న ఫోక్స్‌వ్యాగన్

జర్మన్ కార్ కంపెనీ ఫోక్స్‌వ్యాగన్, భారత మార్కెట్లో అందిస్తున్న పోలో హ్యాచ్‌బ్యాక్ వెర్షన్‌లో పవర్‌ఫుల్ జిటి వెర్షన్లను ప్రవేశపెట్టిన సంగతి తెలిసినదే. కాగా.. ఇప్పుడు కంపెనీ అందిస్తున్న సెడాన్ 'ఫోక్స్‌వ్యాగన్ వెంటో'లో కూడా జిటి వెర్షన్‌ను విడుదల చేసేందుకు సన్నాహాలు చేస్తుంది.

వెంటో జిటి సెడాన్ కూడా పోలో జిటి హ్యాచ్‌బ్యాక్ మాదిరిగానే తొలుత పెట్రోల్ వెర్షన్‍‌లో విడుదల కానుంది. పోలో జిటి టిఎస్ఐ హ్యాచ్‌బ్యాక్ కారులో ఉపయోగిస్తున్న 1.2 లీటర్ టర్బో పెట్రోల్ ఇంజన్‌ను ఉపయోగించనుంది. ఫోక్స్‌వ్యాగన్ ఇండియా ఈ ఏడాది ఆరంభంలో 1.6 లీటర్ పెట్రోల్ వెర్షన్ పోలో ఉత్పత్తిని నిలిపి వేసి పోలో జిటి టిఎస్ఐను విడుదల చేయనున్నట్లు ప్రకటించిన సంగతి తెలిసినదే.

ఇంధన వినియోగం పరంగా మరింత సమర్థవంతమైన వెంటో సెడాన్‌ను అందించాలనే ఉద్దేశ్యంతో ఫోక్స్‌వ్యాగన్ ఇండియా ఈ నిర్ణయం తీసుకుంది. ఈ పవర్‌ఫుల్ ఇంజన్ కలిగిన కొత్త ఫోక్స్‌వ్యాగన్ వెంటో జిటి టిఎస్ఐ సెడాన్ మంచి పెర్ఫామెన్స్‌ను, స్పోర్టీ ఫీల్‌ను ఆఫర్ చేస్తుంది. అయితే, వెంటో జిటి టిఎస్ఐలో డిజైన్ పరంగా ఎలాంటి మార్పులు ఉండే అవకాశాలు లేవు. లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూనే ఉండండి.