క్రాస్‌పోలో టీజర్‌ను విడుదల చేసిన ఫోక్స్‌వ్యాగన్ ఇండియా

జర్మన్ కార్ కంపెనీ ఫోక్స్‌‌వ్యాగన్, త్వరలోనే భారత మార్కెట్లో ఓ కొత్త క్రాసోవర్/కాంపాక్ట్ ఎస్‌యూవీ 'క్రాస్‌పోలో'ను విడుదల చేయనున్నట్లు తెలుగు డ్రైవ్‌స్పార్క్ ఇదివరకటి కథనాల్లో ప్రచురించిన సంగతి తెలిసినదే. ఈ నేపథ్యంలో, తాజాగా ఫోక్స్‌వ్యాగన్ ఇండియా తమ అధికారిక ఫేస్‌బుక్ ఫ్యాన్ పేజ్‌లో క్రాస్‌పోలోకు సంబంధించి ఓ టీజర్ ఫోటొను ఉంచింది.

ఫోక్స్‌వ్యాగన్ పోలో హ్యాచ్‌బ్యాక్ ప్లాట్‌ఫామ్‌ను ఆధారంగా చేసుకొని ఈ క్రాస్‌పోలోను అభివృద్ధి చేశారు. ఇది రెగ్యులర్ వెర్షన్ పోలో కన్నా అధిక గ్రౌండ్ క్లియరెన్స్‌ను కలిగి ఉండనుంది. ఈ కారులో పెద్ద అల్లాయ్ వీల్స్‌, ముందు, వెనుక వైపు సిల్వర్ స్కిడ్ ప్లేట్స్‌, రూఫ్ రెయిల్స్ ప్రధాన ఆకర్షణగా నిలువనున్నాయి. ఈ కారు బాడీలో క్రింది భాగాలను ధృడమైన ప్లాస్టిక్‌తో రూపొందించారు.

• ఫోక్స్‌వ్యాగన్ క్రాస్‌పోలో కేవలం సింగిల్ వేరియంట్ (డీజిల్ హైలైన్)లో మాత్రమే లభ్యం కానుంది
• దీని ధర రెగ్యులర్ వెర్షన్ టిడిఐ హైలైన్ కన్నా రూ.65,000 అధికంగా ఉండొచ్చని అంచనా
• క్రోమ్ టచ్‌తో కూడిన కొత్త ఫ్రంట్ అండ్ రియర్ 'క్రాస్' బంపర్స్
• క్రోమ్ గార్నిష్‌తో కూడిన 'క్రాస్' గ్రిల్
• సిల్వర్ కలర్ రూఫ్ రెయిల్స్
• వెనుక డోర్లపై 'క్రాస్' డెకాల్స్
• కొత్త 15 ఇచ్ అల్లాయ్ వీల్స్
• సిల్వర్ కలర్ సైడ్ మిర్రర్స్
• సుపీరియర్ లివియన్ బ్లాక్ అప్‌హోలెస్ట్రీ