సరిగ్గా గుద్దుకోలేదు కాబట్టే ఎయిర్‌బ్యాగ్స్ ఓపెన్ కాలేదు!

ఈ సంఘటనపై స్పందించిన కంపెనీ సీనియర్ వైస్ ప్రెసిడెంట్, డైరెక్టర్ (మార్కెటింగ్ అండ్ సేల్స్) ఎన్ రాజా ఓ అఫీషియల్ ప్రకటనను విడుదల చేశారు. అందులో.. సప్లిమెంట్ రెస్ట్రైన్ సిస్టమ్ (ఎస్ఆర్ఎస్) డ్రైవర్ మరియు ప్యాసింజర్ ఎయిర్‌బ్యాగ్స్ డిప్లాయ్‌మెంట్ (ఓపెన్ కావటం) అనేది కొన్ని నిర్ధిష్ట పరిమితులకు లోబడి ఉంటుంది.

ఉదాహరణకు.. కనీసం గంటకు 20-30 కిలోమీటర్ల వేగంతో వెళ్తున్న వాహనం, కుడి లేదా ఎడమ వైపు నుంచి 30 డిగ్రీల కోణంలో, ఎదురుగా వస్తున్న కారును లేదా గోడను ఢీకొన్నప్పుడు మాత్రమే ఎస్ఆర్ఆర్ డ్రైవర్, ప్యాసింజర్ ఎయిర్‌బ్యాగ్స్ ఓపెన్ అవుతాయి. వాహనం సైడ్ నుంచి కానీ లేగా వెనుక నుంచి కానీ ప్రమాదానికి గురైనప్పుడు ఎయిర్‌బ్యాగ్స్ ఓపెన్ కావు.

అనీల్ నాయర్ విషయంలో, ఎతియోస్ వాహనం ఎడమ చేతి వైపు నుంచి ఎదురుగా వస్తున్న ఎస్‌యూవీని ఢీకొట్టిందని, ఈ సమయంలో ప్రమాద తీవ్రతను ఎక్కువగా ఎస్‌యూవీ గ్రహించడం మరియు ఈ ప్రమాద తీవ్రత ఎయిర్‌బ్యాగ్స్ ఓపెన్ కావడానికి అవసరమయ్యే పరామితులకు సరిపోకపోవటం కారణంగా ఎతియోస్ కారులో ఎయిర్‌బ్యాగ్స్ ఓపెన్ కాలేదని ఆయన వివరించారు.

ఏదేమైనప్పటికీ, ప్రమాద తీవ్రత చిన్నదైనా, పెద్దదైనా ప్రాణం విలువ మాత్రం వెలకట్టలేనిది. ఇటీవలి సంఘటనలను చూస్తుంటే, ఇండియాలో తయారైన కార్లు ఎంత మేరకు సురక్షితమైనవో అనే సందేహం అందరిలోను కలుగక తప్పదు.

ఇది కూడా చదవండి: ఎయిర్ బ్యాగ్స్ వలన కలిగే ప్రయోజనాలు, నష్టాలు, అవెలా పనిచేస్తాయి?