Click it and Unblock the Notifications
ఆటో ఎక్స్పో 2014: ఏరియాన్ ప్రోటాన్ ఎలక్ట్రిక్ బైక్
ఆటో ఎక్స్పో 2014లో కేవలం సాంప్రదాయ ఆటోమొబైల్ వాహనాలే కాకుండా, ఎలక్ట్రిక్ వాహనాలు, కాన్సెప్ట్ వాహనాలు మరియు హైబ్రిడ్ వాహనాలు కూడా వీక్షకులను ఆకట్టుకున్నాయి. అలాంటి ఓ విశిష్టమైన ఎలక్ట్రిక్ మోటార్సైకిలే ఈ 'ఏరియాన్ ప్రోటాన్'. పూనేకి చెందిన ఏరియన్ మోటార్స్ తమ హై స్పీడ్ ఎలక్ట్రిక్ బైక్ను 12వ ఎడిషన్ ఆటో ఎక్స్పోలో ప్రదర్శనకు ఉంచింది.
ఈ ప్రోటాన్ ఒక పూర్తి ఎలక్ట్రిక్ మోటార్సైకిల్. దీనిని ఏరియన్ సంస్థను నిర్వహిస్తున్న ఇంజనీర్లు అభివృద్ధి చేశారు. ఇందులోని హై పెర్ఫామెన్స్ ఎలక్ట్రిక్ కంట్రోలర్ సాయంతో నడుస్తుంది. ఎల్టెక్ ఎలక్ట్రోడిజైన్స్ సహకారంతో ఏరియాన్ ఈ ఎలక్ట్రిక్ కంట్రోలర్ను తయారు చేశారు. ఏరియాన్ అభివృద్ధి చేసిన ఈ ఎలక్ట్రిక్ కంట్రోలర్ను చిన్నపాటి మోడిఫికేషన్తో అనేక రకాల ఎలక్ట్రిక్ ద్విచక్ర వాహనాల్లో ఉపయోగించుకోవచ్చునని కంపెనీ పేర్కొంది.
ఏరియాన్ ప్రోటాన్ ఎలక్ట్రిక్ మోటార్సైకిల్ 24 హెచ్పి, బ్రష్డ్ డిసి మోటార్ను ఉపయోగించారు (ఈ మోటార్ను అగ్ని మోటార్స్ నుంచి గ్రహించారు). ఈ మోటార్ 72 వోల్ట్ బ్యాటరీ ప్యాక్తో నడుస్తుంది. బ్యాటరీ పూర్తిగా చార్జ్ కావటానికి పట్టే సమయం 5 గంటలు. పూర్తి చార్జ్తో ఈ ఏరియాన్ ప్రోటాన్ ఎలక్ట్రిక్ మోటార్సైకిల్పై 150 కిలోమీటర్ల దూరం ప్రయాణించవచ్చు.
ఏరియాన్ ప్రోటాన్ కేవలం 8.6 సెకండ్ల వ్యవధిలోనే 0-100 కిలోమీటర్ల వేగాన్ని అందుకుటుంది. దీని గరిష్ట వేగం గంటకు 140 కిలోమీటర్లు. తమ ప్రోటాన్ ఎలక్ట్రిక్ బైక్ పెట్రోల్ ఖర్చుకు లేకుండా, ఓ హై స్పీడ్ బైకింగ్ అనుభూతిని అందిస్తుందని ఏరియాన్ కంపెనీ పేర్కొంది.
Continue with Google