మల్టీట్రానిక్ సివిటి ట్రాన్సిమిషన్‌ను నిలిపివేసిన ఆడి

జర్మన్ లగ్జరీ కార్ కంపెనీ ఆడి ఇకపై తమ కార్లలో సివిటి లేదా కంటిన్యూస్లీ వేరియబల్ ట్రాన్సిమిషన్ (ఆటోమేటిక్ గేర్ బాక్స్)ను ఉపయోగించబోమని పేర్కొంది. ఇక నుంచి ఆడి తయారు చేసే కార్లలో సివిటి గేర్‌బాక్స్‌ను ఉపయోగించడం నిలిపివేయనున్నారు. దాదాపు దశాబ్ధం క్రితం సివిటి గేర్‌బాక్స్‌ను ఉపయోగించిన తొలి కంపెనీలలో ఆడి కూడా ఒకటి.

ఇది కూడా చదవండి: ఇండియాలో ఆడి ఏ3 ఉత్పత్తి ప్రారంభం

స్వీడన్‌లో జరిగిన ఓ కార్యక్రమంలో వి6 టిడిఐ డెవలప్‌మెంట్ హెడ్ రాల్ఫ్ రిగ్గర్ మాట్లాడుతూ.. మల్టీ-ట్రానిక్ (సివిటి సిస్టమ్‌కి ఆడి పెట్టిన పేరు)ను అన్ని మోడళ్లలో నిలిపివేశామని ప్రకటించారు. దీని స్థానంలో కొత్త 7-స్పీడ్, డ్యూయెల్ క్లచ్, ఎస్-ట్రానిక్ గేర్‌బాక్స్‌ను ఉపయోగిస్తామని ఆయన తెలిపారు.

ఇది కూడా చదవండి: హోండా మొబిలియో ఎంపివి విడుదల

సివిటి గేర్‌బాక్స్ ఉత్పత్తిని పూర్తిగా నిలిపివేసినట్లు రిగ్గర్ ధృవీకరించారు. దశాబ్ధ కాలం పాటు సివిటి సేవలందించిందని, ఇది చాలా ఫ్యూయెల్ ఎఫీషియెంట్ గేర్‌బాక్స్ అని తెలిపారు. అయితే, తమ కొత్త ఎస్-ట్రానిక్ గేర్‌బాక్స్ దాని కన్నా మరింత మెరుగైనదని చెప్పారు. ఆడి మాతృ సంస్థ ఫోక్స్‌వ్యాగన్ గ్రూప్ ఉపయోగిస్తున్న డిఎస్‌జి గేర్‌బాక్స్ ప్రస్తుత ఎస్-ట్రానిక్ గేర్‌బాక్స్‌కు అప్‌గ్రేడెడ్ వెర్షనే.

ఈ వీడియో చూశారా..?
<center><iframe width="100%" height="450" src="//www.youtube.com/embed/rMSL4WKT5Uc?rel=0" frameborder="0" allowfullscreen></iframe></center>