Click it and Unblock the Notifications
డాట్సన్ గో హ్యాచ్బ్యాక్పై రూ.30,000 డిస్కౌంట్
జపనీస్ కార్ కంపెనీ నిస్సాన్కి చెందిన పురాతన కార్ బ్రాండ్ డాట్సన్, ఈ ఏడాది మార్చ్ నెలలో కేవలం రూ. 3.12 లక్షల (ఎక్స్-షోరూమ్, ఢిల్లీ) ప్రారంభ ధరకే భారత్లో విడుదల తమ 'గో' హ్యాచ్బ్యాక్ను విడుదల చేసిన సంగతి తెలిసినదే. ఇటీవలే గ్లోబల్ ఎన్సిఏపి నిర్వహించిన క్రాష్ టెస్టులో ఈ మోడల్ జీరో రేటింగ్ను దక్కించుకోవటంతో దీని అమ్మకాలు తగ్గుముఖం పట్టాయి.
ఈ నేపథ్యంలో డాట్సన్ గో హ్యాచ్బ్యాక్ అమ్మకాలను పెంచుకునేందుకు నిస్సాన్ ఈ మోడల్పై రూ.30,000 ప్రోత్సాహకాలను అందిస్తోంది. ఈ ఆఫర్లో భాగంగా, రూ.15,000ల ఎక్సేంజ్ బోనస్ మరియు రూ.15,000ల విలువైన ఇతర ప్రయోజనాలను (మొత్తంగా రూ.30,000ల విలువైన ప్రయోజనాల)ను డాట్సన్ అందిస్తోంది. ఈ ఆఫర్లు డాట్సన్ డి, డి1 మరియు ఏ వేరియంట్లపై అందుబాటులో ఉంటాయి.
ఈ తగ్గింపులు డిసెంబర్ 31, 2014 వరకు మాత్రమే చెల్లుబాటులో ఉంటాయని కంపెనీ పేర్కొంది. ఈ ఆఫర్కి సంబంధించిన మరిన్ని వివరాల కోసం మీ సమీపంలోని నిస్సాన్ డీలరును సంప్రదించండి.
డాట్సన్ గో హ్యాచ్బ్యాక్ విషయానికి వస్తే.. నిస్సాన్ మైక్రా హ్యాచ్బ్యాక్ను తయారు చేసిన 'వి' (V) ప్లాట్ఫామ్ను ఆధారంగా చేసుకొనే ఈ డాట్సన్ గో హ్యాచ్బ్యాక్ను కూడా తయారు చేశారు. నిస్సాన్ మైక్రాలో అమర్చిన 1.2 లీటర్, 3-సిలిండర్ పెట్రోల్ ఇంజన్నే డాట్సన్ గో కారులోను ఉపయోగించారు. ఈ ఇంజన్ గరిష్టంగా 67 బిహెచ్పిల శక్తిని, 106 ఎన్ఎమ్ల టార్క్ను ఉత్పత్తి చేస్తుంది. ఈ పెట్రోల్ ఇంజన్ 5-స్పీడ్ మ్యాన్యువల్ ట్రాన్సిమిషన్ (గేర్బాక్స్)తో లభిస్తుంది.
డాట్సన్ గో హ్యాచ్బ్యాక్ లీటరుకు 20.63 కిలోమీటర్ల మైలేజీనిస్తుందని (ఏఆర్ఏఐ సర్టిఫైడ్) కంపెనీ పేర్కొంది. ఈ విభాగంలో కెల్లా మొదటిసారిగా డాట్సన్ తమ గో హ్యాచ్బ్యాక్ కోసం రోడ్-సైడ్ అసిస్టెన్స్ను మరియు 2 ఏళ్ల అపరిమిత కిలోమీటర్ల వారంటీని ఆఫర్ చేస్తోంది. డాట్సన్ గో హ్యాచ్బ్యాక్ మొత్తం మూడు వేరియంట్లు, నాలుగు ఆకర్షనీయమైన రంగుల్లో (వైట్, సిల్వర్, స్కై బ్లూ, రూబీ రెడ్) లభ్యమవుతుంది.
Continue with Google