డాట్సన్ గో టివిసి: ఇదే ఇప్పుడు కొత్త ట్రెండ్

నిస్సాన్‌కు చెందిన పురాతన కార్ బ్రాండ్ డాట్సన్, ఈ ఏడాది మార్చ్ నెలలో కేవలం రూ. 3.12 లక్షల (ఎక్స్-షోరూమ్, ఢిల్లీ) ప్రారంభ ధరకే భారత్‌లో విడుదల తమ 'గో' హ్యాచ్‌బ్యాక్‌ను మార్కెటింగ్ చేసుకునేందుకు కంపెనీ విశ్వప్రయత్నాలు చేస్తోంది. ఇందులో భాగంగానే, డాట్సన్ గో కారు కోసం కంపెనీ ఓ విశిష్టమైన టెలివిజన్ కమర్షియల్‌ను తయారు చేసింది.

నయా పరంపర (న్యూ ట్రెండ్) అనే థీమ్‌తో ఈ ప్రకటన సాగుతోంది. ఇందులో ఆల్టో, వ్యాగన్ఆర్, శాంత్రో మొదలైన పాత మోడళ్లతో కొత్త డాట్సన్ గో కారును పోల్చుతూ, ఈ మోడల్‌ను హైలైట్ చేసే ప్రయత్నం చేశారు. మరి ఆ వీడియోని మీరు కూడా చూసేయండి.
<center><iframe width="100%" height="450" src="//www.youtube.com/embed/TDgIZBPl14M?rel=0" frameborder="0" allowfullscreen></iframe></center>
ఇక డాట్సన్ గో హ్యాచ్‌బ్యాక్ విషయానికి వస్తే.. నిస్సాన్ మైక్రా హ్యాచ్‌బ్యాక్‌ను తయారు చేసిన 'వి' (V) ప్లాట్‌ఫామ్‌ను ఆధారంగా చేసుకొనే ఈ డాట్సన్ గో హ్యాచ్‌బ్యాక్‌ను కూడా తయారు చేశారు. నిస్సాన్ మైక్రాలో అమర్చిన 1.2 లీటర్, 3-సిలిండర్ పెట్రోల్ ఇంజన్‌నే డాట్సన్ గో కారులోను ఉపయోగించారు. ఈ ఇంజన్ గరిష్టంగా 67 బిహెచ్‌పిల శక్తిని, 106 ఎన్ఎమ్‌ల టార్క్‌ను ఉత్పత్తి చేస్తుంది. ఈ పెట్రోల్ ఇంజన్ 5-స్పీడ్ మ్యాన్యువల్ ట్రాన్సిమిషన్‌ (గేర్‌బాక్స్)తో లభిస్తుంది.

డాట్సన్ గో హ్యాచ్‌బ్యాక్ లీటరుకు 20.63 కిలోమీటర్ల మైలేజీనిస్తుందని (ఏఆర్ఏఐ సర్టిఫైడ్) కంపెనీ పేర్కొంది. ఈ విభాగంలో కెల్లా మొదటిసారిగా డాట్సన్ తమ గో హ్యాచ్‌బ్యాక్ కోసం రోడ్-సైడ్ అసిస్టెన్స్‌‌ను మరియు 2 ఏళ్ల అపరిమిత కిలోమీటర్ల వారంటీని ఆఫర్ చేస్తోంది. డాట్సన్ గో హ్యాచ్‌బ్యాక్ మొత్తం మూడు వేరియంట్లు, నాలుగు ఆకర్షనీయమైన రంగుల్లో (వైట్, సిల్వర్, స్కై బ్లూ, రూబీ రెడ్) లభిస్తోంది.