సెప్టెంబర్ 1.03 శాతం తగ్గిన డొమెస్టిక్ కార్ సేల్స్

పండుగ సీజన్‌లో అమ్మకాలు భారీగా పుంజుకుంటాయన్న ఆశలు ఆవిరైనట్లే తెలుస్తోంది. గడచిన సెప్టెంబర్ నెలలో దేశీయ కార్ల అమ్మకాలు సానుకూల వృద్ధికి ప్రతికూల వృద్ధిని కనబరచాయి. సెప్టెంబర్ 2013తో పోల్చుకుంటే, సెప్టెంబర్ 2014లో మొత్తం దేశీయ కార్ల అమ్మకాలు 1.03 శాతం క్షీణించి 1,54,882 యూనిట్లుగా నమోదయ్యాయి.

సెప్టెంబర్ 2013లో దేశీయ కార్ల అమ్మకాలు 1,56,494 యూనిట్లుగా నమోదైనట్లు భారతీయ ఆటోమొబైల్ తయారీదారుల సంఘం (సియామ్) వెల్లడించిన గణాంకాలు తెలియజేస్తున్నాయి. అయితే, ఇదే సమయంలో మోటార్‌సైకిళ్ల అమ్మకాలు మాత్రం 19.34 శాతం వృద్ధి చెందినట్లు సియామ్ పేర్కొంది.

ఇదే సమయంలో వాణిజ్య వాహనాల అమ్మకాలు 8.59 శాతం వృద్ధి చెంది 56,140 యూనిట్లుగా నమోదయ్యా. మొత్తంగా అన్ని విభాగాలకు చెందిన వాహనాల అమ్మకాలు 20.44 శాతం వృద్ధి చెంది 15,80,933 యూనిట్ల నుంచి 19,04,007 యూనిట్లకు పెరిగాయి.