ఢిల్లీలో సురక్షితమైన ఈ-రిక్షాలు ప్రారంభం

ప్రయాణీకుల భద్రతను, పర్యావరణ కాలుష్యాన్ని దృష్టిలో ఉంచుకొని భారత ప్రభుత్వం, దేశ రాజధాని ఢిల్లీ నగరంలో ఎలక్ట్రిక్ రిక్షాలను పరిచయం చేసింది. ఢిల్లీలో ఈ-రిక్షాలను విడుదల చేసిన సందర్భంగా కేంద్ర రవాణా శాఖ మంత్రి నితిన్ గడ్కరీ మాట్లాడుతూ.. మనుషులే మనషులను లాగే ప్రక్రియకు ఈ-రిక్షాలు ముగింపు పలుకుతాయని అన్నారు.

శ్రామిక శక్తితో కూడుకున్న సైకిల్ రిక్షాల కన్నా ఈ-రిక్షాలు ఎన్నో రెట్లు మెరుగైనవని, మ్యాన్యువల్ రిక్షాలను తొక్కి జీవనం సాగించే దళితులు, ముస్లింలు, షెడ్యూల్ తెగలకు చెందిన ప్రజలు వీటి ద్వారా లబ్ధి పొందుతారని ఆయన చెప్పారు.

రూ.340ల నుంచి బైకర్ బైకింగ్ గ్లౌజ్

ఈ-కార్ట్స్ పేరుతో ప్రవేశపెట్టిన ఎలక్ట్రిక్ లగేజ్ క్యారీయర్స్ సుమారు 310 కేజీల బరువును మోసుకెళ్లవచ్చు. భద్రతా నిబంధనల దృష్ట్యా గతంలో ఢిల్లీ హై కోర్టు నగరంలో ఈ-రిక్షాల వినియోగాన్ని నిషేధించింది. ఈ ఎలక్ట్రిక్ రిక్షాలలో 2000 వాట్స్ మోటార్ ఉంటుంది. వీటి గరిష్ట వేగం గంటకు 25 కిలోమీటర్లు. ఈ బ్యాటరీ ఆధారిత వాహనాలను నడపాలంటే, డ్రైవర్ తప్పనిసరిగా డ్రైవింగ్ లైసెన్స్‌ని కలిగి ఉండాలనే నిబంధనను విధించారు.