ఇంగ్లాండ్‌లో మానవ వ్యర్థంతో నడిచే 'పూ బస్'

రీసైకిల్ ప్రాసెస్ చేయాలే కానీ, పనికిరానిదంటూ ఏదీ లేదు. ఇదే విషయాన్ని శాస్త్రవేత్తలు మరోసారి నిరూపించారు. ఇదిగో ఈ ఫొటోలో కనిపిస్తున్న బస్సును చూశారా.. ఇది మానవ 'అశుద్ధం'తో నడిచే బస్సు. వినడానికి ఎబ్బెట్టుగా, ఆశ్చర్యంగా ఉన్నా ఇది మాత్రం వాస్తవం.

'పూ బస్'గా పిలిచే ఈ బస్సు మానవ వ్యర్థం, ఆహారా పథార్థాల వ్యర్థాల నుంచి విడుదలయ్యే గ్యాస్‌తో నడుస్తుంది. యూకేలో కెల్లా మొట్టమొదటిదైన ఈ తరహా బస్సు, బ్రిస్టల్ సెవేజ్ వర్క్స్ నుంచి వచ్చే వ్యర్థం మరియు ఇతర వ్యర్థాలతో కలిసి వచ్చే బయోమీథేమ్ వాయువను ఇంధంగా చేసుకొని నడుస్తుంది.

భవిష్యత్తులో ప్రత్యామ్నాయ ఇంధనాలకు ఇదొక చక్కటి మార్గం, అంతేకాకుండా బయోమీథేన్‌తో ఈ నడిచే ఈ బస్సులు డీజిల్ ఇంధనంతో నడిచే బస్సులతో పోల్చుకుంటే 30 శాతం తక్కువ కర్భన ఉద్ఘారాలను విడుదల చేస్తాయని వారు తెలిపారు. ఈ వాయువు దుర్ఘంధం వెదజల్లకుండా ఉంచేందుకు సరైన ప్యూరిఫికేషన్ విధానాన్ని పాటిస్తున్నారు. ఫలితంగా ఇది పర్యావరణాన్ని, మానవాళికి హాని కలిగించదు. ఇదంతా వినడానికి కొంచెం ఇబ్బందిగానే ఉన్నప్పటికీ, మన వేస్టే మనల్ని మోసుకెళ్తుందన్నమాట.