షెవర్లే క్రూజ్ సెడాన్ రీకాల్; కారణమేమిటి?

అమెరికన్ ఆటోమొబైల్ దిగ్గజం జనరల్ మోటార్స్ దేశీయ విపణిలో అందస్తున్న పవర్‌ఫుల్ సెడాన్ 'షెవర్లే క్రూజ్' (Chevrolet Cruze)లో చిన్న సమస్య కారణంగా, కంపెనీ సైలెంట్‌గా వీటిని రీకాల్ చేస్తోంది. ఇంజన్ ఏరియాలో వైర్లను కలిపి ఉంచే పివిసి బ్రాకెట్ సమస్య కారణంగా ఈ మోడల్‌ను రీకాల్ చేస్తున్నారు.

అయితే, మొత్తం ఎన్ని యూనిట్లలో ఈ సమస్య ఉందనే విషయాన్ని మాత్రం కంపెనీ వెల్లడించలేదు. జనరల్ మోటార్స్ ఇండియా సగటున ప్రతినెలా 130 యూనిట్ల షెవర్లే క్రూజ్ కార్లను విక్రయిస్తోంది. ఈ సమస్యకు సంబంధించి షెవర్లే డీలర్లు తమ కస్టమర్లను సంప్రదిస్తున్నారు. ఈ సమస్యను సరిచేయటానికి సుమారు రెండు గంటల సమయం పడుతుందని కంపెనీ తెలిపింది.

ప్రస్తుతం భారత మార్కెట్లో జనరల్ మోటార్స్ విక్రయిస్తున్న షెవర్లే క్రూజ్ సెడాన్ ధరలు రూ.13.80 లక్షల నుంచి రూ.16.30 లక్షల మధ్యలో ఉన్నాయి (అన్ని ధరలు ఎక్స్-షోరూమ్, ఢిల్లీ).