గోప్రో కెమెరాకు జీనియన్ ఆల్టర్నేటివ్; ధర రూ.13,000 మాత్రమే

ఖరీదైన గోప్రో కెమెరాలకు ప్రత్యమ్నాయంగా, అత్యంత సరసమైన ధరకే ఓ వైఫై కెమెరా అందుబాటులోకి వచ్చింది. కంప్యూటర్ ఉపకరణాలు, స్మార్ట్ ఫోన్ యాక్ససరీల తయారీ సంస్థ జీనియస్ గోప్రో లాంటి వైఫై కెమెరాను మార్కెట్లో విడుదల చేసింది.

'జీనియస్ లైఫ్-షాట్ ఎఫ్‌హెచ్‌డి300' (Genius Life-Shot FHD300) పేరుతో మార్కెట్లో విడుదలైన ఈ కెమెరా వైఫైని సపోర్ట్ చేస్తుంది. భారత మార్కెట్లో దీని ధర కేవలం రూ.13,000 మాత్రమే. ఈ కెమెరా కూడా గోప్రో మాదిరిగానే హెచ్‌డి వీడియోలు, ఫొటోలను క్యాప్చ్యూర్ చేయగలదు.

అడ్వెంచర్‌లు చేసే వారు, రేస్‌లలో పాల్గొనే వారు టైమ్-ల్యాప్స్ వీడియోలను ఇందులో చిత్రీకరించుకోవచ్చు. ఈ కెమెరాతో నీటి అడుగున ఉండే దృశ్యాలను కూడా చిత్రీకరించవచ్చు. ఈ కెమెరాలో ఉండే బిల్ట్-ఇన్ వైఫై సాయంతో దీనిని మీ స్మార్ట్‌ఫోన్‌కు కనెక్ట్ చేసుకోవచ్చు.

జీనియస్ లైఫ్-షాట్ ఎఫ్‌హెచ్‌డి300 వైఫై కెమెరాలో 8 మెగాపిక్సెల్ సోనీ సెన్సార్ లెన్స్ ఉంటుంది. ఈ కెమెరా బైక్ మౌంట్, ట్రైపాడ్ మౌంట్, క్లిప్ స్ట్రాప్ మరియు ఐపిఎక్స్8 సర్టిఫైడ్ వాటర్‌ప్రూఫ్ కేస్‌తో లభిస్తుంది. దీనిని యూఎస్‌బి ద్వారా చార్జ్ చేసుకోవచ్చు.