1 లక్ష మైలురాయిని అధిగమించిన హోండా అమేజ్ సేల్స్

జపాన్‌కు చెందిన ప్రముఖ కార్ల తయారీ సంస్థ హోండా కార్స్ ఇండియా లిమిటెడ్ ఏప్రిల్ 2013 భారత మార్కెట్లో విడుదల చేసిన తమ కాంపాక్ట్ సెడాన్ 'హోండా అమేజ్' అప్పుడే లక్ష యూనిట్ల అమ్మకాల మార్కును చేరుకుంది. మార్కెట్లో విడులైన కేవలం 16 నెలల్లోనే అమేజ్ ఈ రికార్డును సాధించింది. హోండాకు ఇది మొదటి డీజిల్ కారు, మొదటి కాంపాక్ట్ సెడాన్ కావటంతో దీని అమ్మకాలు జోరందుకున్నాయి.

ఇది కూడా చదవండి: హోండా మొబిలియో ఆర్ఎస్ అఫీషియల్ డిటేల్స్

ఈ సందర్భంగా హోండా కార్స్ ఇండియా సీనియర్ వైస్ ప్రెసిడెంట్ (మార్కెటింగ్ అండ్ సేల్స్) జ్ఞానేశ్వర్ సేన్ మాట్లాడుతూ.. హోండా అమేజ్ భారత మార్కెట్లో మంచి విజయం సాధించడం తమకెంతో సంతోషంగా ఉందని, కొత్త రకం వినియోగదారులను చేరుకునేందుకు ఈ మోడల్ తమకెంతగానో ఉపయోగపడిందని, అమేజ్ ద్వారా తాము డీజిల్ కార్ సెగ్మెంట్లోకి ప్రవేశించామని, భవిష్యత్తులో ఈ మోడల్ మరింత వృద్ధిని కనబరచగలదని ఆయన ధీమా వ్యక్తం చేశారు.

ఇది కూడా చదవండి: కొత్త కారులో తప్పనిసరిగా ఉండాల్సిన 10 ఫీచర్లు

అన్ని డీజిల్ మరియు ఆటోమేటిక్ వేరియంట్లలో ఈబిడితో కూడిన ఏబిఎస్‌ను స్టాండర్డ్ ఫీచర్‌గా అందిస్తున్నారు. ఇది ఆరు ఆకర్షనీయమైన రంగులలో (మెజిస్టిక్ బ్లూ మెటాలిక్, కార్నెలియన్ రెడ్ పెరల్, అర్బన్ టైటానియం మెటాలిక్, అల్బాస్టర్ సిల్వర్ మెటాలిక్, క్రిస్టల్ బ్లాక్ పెరల్ మరియు టఫేటా వైట్) లభిస్తుంది. దీని వారంటి రెండేళ్లు లేదా 40,000 కి.మీ.