హోండా మొబిలియో ఎమ్‌పివి విడుదల ఎప్పుడు?

జపనీస్ కార్ కంపెనీ హోండా గడచిన కొద్ది నెలల క్రితం ఆవిష్కరించిన మొబిలియో ఎమ్‌పివి విడుదలకు సిద్ధమవుతున్నట్లు తెలుస్తోంది. హోండా మొబిలియో ఎమ్‌పివి కోసం కంపెనీ ప్రత్యేక వెబ్‌సైట్‌ను కూడా రూపొందించింది. అంతేకాకుండా, మరికొద్ది నెల్లోనే విడుదల చేస్తామంటూ ఓ టీజర్‌ను కూడా రిలీజ్ చేసింది.

హోండా మొబిలియో వెబ్‌సైట్‌లో ఆ ఎమ్‌పివికి సంబంధించి ఎక్స్టీరియర్, ఇంటీరియర్ వివరాలతో పాటుగా ఓ డెమో వీడియోను అందుబాటులో ఉంచారు. గ్రేటర్ నోయిడాలోని హోండా కార్ ప్లాంట్ మరో రెండు మూడు వారాల్లో మొబిలియో ఉత్పత్తి ప్రారంభం కానుంది. పండుగ సీజన్ ప్రారంభం కాగానే ఈ కొత్త హోండా ఎమ్‌పివి వినియోగదారులుక అందుబాటులోకి రానుంది.

పెట్రోల్ వెర్షన్‌లో 1.5 లీటర్, 4-సిలిండర్ ఐ-విటెక్ ఇంజన్‌ను అమర్చనున్నారు. ఈ ఇంజన్ గరిష్టంగా 116 బిహెచ్‌పిల శక్తిని, 145 ఎన్ఎమ్‌ల టార్క్‌ని ఉత్పత్తి చేస్తుంది. డీజిల్ వెర్షన్‌లో 1.5 లీటర్, 4-సిలిండర్ ఐ-డిటెక్ ఇంజన్‌ను అమర్చనున్నారు. ఈ ఇంజన్ గరిష్టంగా 97 బిహెచ్‌పిల శక్తిని, 200 ఎన్ఎమ్‌ల టార్క్‌ని ఉత్పత్తి చేస్తుంది. దీని ప్రారంభ ధర రూ.5.90 లక్షలు ఉండొచ్చని అంచనా.