హ్యుందాయ ఫ్రీ మాన్‌సూన్ కార్ చెకప్ క్యాంప్ షురూ..

వర్షాకాలం సమీపిస్తుండటంతో, తమ వినియోగదారుల వాహనాలను కండిషన్‌లో ఉంచేందుకు హ్యుందాయ్ మోటార్ ఇండియా ఉచిత మాన్‌సూన్ చెకప్‌ను ప్రారంభించింది. హ్యుందాయ్ నిర్వహిస్తున్న ఈ ఉచిత మాన్‌సూన్ చెకప్ క్యాంప్‌లో భాగంగా, కంపెనీ తమ కార్లకు అదనపు మెయింటినెన్స్‌ను అందించనుంది. జూన్ 16వ తేదిన ప్రారంభమైన ఈ క్యాంపైన్ ఆగస్ట్ 30 వరకు కొనసాగుతుంది.

ఆంధ్రప్రదేశ్, తెలంగాణా రాష్ట్రాలలో ఈ హ్యుందాయ్ ఉచిత మాన్‌సూన్ చెకప్ క్యాంప్‌‌ను జులై 3, 2014వ తేది నుంచి జులై 13, 2014వ తేదీ వరకు నిర్వహించనున్నారు. ఇరు రాష్ట్రాలలో ఉన్న అన్ని అధీకృత హ్యుందాయ్ డీలర్‌షిప్ కేంద్రాలు, సర్వీస్ సెంటర్ల వద్ద ఈ క్యాంప్ నిర్వహిస్తారు. ఈ క్యాంప్‌కు వచ్చే హ్యుందాయ్ వాహనాలకు 22-పాయింట్ ఫ్రీ చెకప్ ఉంటుంది.

తమ విలువైన వినియోగదారులతో సంబంధ బాంధవ్యాలను మరింత పటిష్టం చేసుకునే దిశగా ఈ ఉచిత మాన్‌సూన్ చెకప్ క్యాంపైన్ ప్రణాళికను చేపట్టామని, వర్షాకాలంలో తమ వాహనాల సేఫ్టీని మరింత మెరుగు పరచే లక్ష్యంగా ఈ ప్రణాళిక ఉంటుందని హ్యుందాయ్ మోటార్ ఇండియా సీనియర్ వైస్ ప్రెసిడెంట్ రాకేష్ శ్రీవాత్సవ తెలిపారు.