మే 2014లో 12.8 శాతం పెరిగిన హ్యుందాయ్ దేశీయ అమ్మకాలు

భారతదేశపు ద్వితీయ అగ్రగామి కార్ల తయారీ సంస్థ మరియు అతిపెద్ద ప్యాసింజర్ కార్ల ఎగుమతిదారు అయిన హ్యుందాయ్ మోటార్ ఇండియా లిమిటెడ్ (హెచ్ఎమ్ఐఎల్) గడచిన మే నెలలో ప్రోత్సాహకర అమ్మకాలను నమోదు చేసుకుంది. పన్నులు తగ్గిన కారణంగా ధరలు కూడా తగ్గడంతో, కొనుగోలుదారుల్లో ఆసక్తి పెరిగి అమ్మకాలు కూడా పెరిగాయి.

మే 2014లో హ్యుందాయ్ మోటార్ ఇండియా మొత్తం 51,718 కార్లను విక్రయించగా, అందులో 36,205 వాహనాలు దేశీయ విపణిలోను 15,513 వాహనాలను అంతర్జాతీయ విపణిలోను విక్రయించింది. మొత్తంగా గడచిన సంవత్సరం మే నెలకి ఈ ఏడాది మే నెలకి పోల్చి చూసుకుంటే, హ్యుందాయ్ దేశీయ అమ్మకాలు 12.8 శాతం వృద్దని కనబరిచాయి. ఎగుమతులు మాత్రం 37.3 శాతం క్షీణించగా మొత్తం అమ్మకాలు కూడా 9 శాతం క్షీణించాయి.