మార్చ్ 12న హ్యుందాయ్ ఎక్సెంట్ కాంపాక్ట్ సెడాన్ విడుదల

హ్యుందాయ్ మోటార్ ఇండియా అందిస్తున్న గ్రాండ్ 10 హ్యాచ్‌బ్యాక్ ప్లాట్‌ఫామ్‌పై తయారు చేసిన సరికొత్త హ్యుందాయ్ ఎక్సెంట్ కాంపాక్ట్ సెడాన్‌ను ఈ నెల రెండవ వారంలో మార్కెట్లో విడుదల చేయనున్నట్లు మేము ఇదివరకటి కథనంలో ప్రచురించిన సంగతి తెలిసినదే.

కాగా.. కంపెనీ ఇప్పుడు ఇదే విషయాన్ని అధికారికంగా ధృవీకరించింది. 'హ్యుందాయ్ ఎక్సెంట్' (Hyundai Xcent)ను మార్చ్ 12, 2014వ తేదీన భారత మార్కెట్లో వాణిజ్య పరంగా విడుదల చేయనున్నట్లు హ్యుందాయ్ ఓ ప్రకటనలో పేర్కొంది.

హ్యుందాయ్ ఎక్సెంట్ కాంపాక్ట్ సెడాన్ ఈ సెగ్మెంట్లోని మారుతి సుజుకి స్విఫ్ట్ డిజైర్, హోండా అమేజ్ వంటి మోడళ్లతో పాటుగా త్వరలో మార్కెట్లోకి రానున్న టాటా జెస్ట్, ఫోర్డ్ ఫిగో కాంపాక్ట్ సెడాన్ వంటి మోడళ్లకు సైతం పోటీగా నిలువనుంది.