జాగ్వార్ కన్నా గాడిదే నయం అంటున్న ఫ్రస్టేటెడ్ ఇండియన్

ఖరీదైన కార్లను కొనుగోలు చేయటం సామాన్యులకు ఆషామాషీ విషయం కాదు. కానీ, అదే ధనికులైతే మరో ఆలోచన లేకుండా వీటిని కొనుగోలు చేసేస్తుంటారు. ఏదేమైనప్పటికీ, ఇలాంటి కార్లను కొనుగోలు చేసే కస్టమర్లు విలాసవంతమైన సవారీతో పాటుగా విలువైన, నాణ్యమైన సేవలను కూడా కోరుకుంటుంటారు. అలాంటి సేవలు దక్కకపోతే విసుగెత్తిపోతారు. ఇతని విషయంలోను అదే జరిగినట్లుంది.

జాగ్వార్ ఎక్స్ఎఫ్ కారును కొనుగోలు చేసిన ఓ ఇండియన్ కస్టమర్, తన జాగ్వార్ కారుపై గడ్డి, చెత్తను ఉంచి, బోగస్ కార్, బోగస్ సర్వీస్, బోగస్ కంపెనీ అని రాసి ఉన్న ఓ బ్యానెర్‌ను బానెట్‌కు తగిలించి సర్వీస్ సెంటర్‌కు తీసుకెళ్లాడు. అంతేకాకుండా.. ఈ కారుకు ముందు వైపు ఓ 7-8 గాడిదలను తాళ్లతో కట్టేసి, వాటితో కారును లాగిస్తూ వెళ్లాడు.

ఇటలీకి చెందిన ఓ వ్యక్తి కొనుగోలు చేసిన బిఎమ్‌డబ్ల్యూ ఎమ్6 పెర్ఫార్మెన్స్ కారులో తరచూ మెకానికల్ సమస్యలు తలెత్తడంతో విసుగెత్తిన సదరు కారు ఓనర్, ఓ పబ్లిక్ ప్లేస్‌లో ఈ కారును సుత్తితో నుజ్జు నుజ్జు చేసి తన నిరసనను వ్యక్తం చేసిన సంగతి తెలిసినదే.

ఏదేమైనప్పటికీ.. ఈ జాగ్వార్ ఎక్స్ఎఫ్ విషయంలో అసలు ఏం జరిగిందనే విషయం ఇంకా తెలియాల్సి ఉంది. ఈ సంఘటను సంబంధించి జాగ్వార్ ఇండియా అధికారులు స్పంధించాల్సి ఉంది.