సెప్టెంబర్ 22న లాంబోర్గినీ హారికేన్ విడుదల

Four Wheelers

oi-Ravi

By Ravi

Published: Friday, August 8, 2014, 16:38 [IST]

ఇటాలియన్ సూపర్‌కార్ కంపెనీ లాంబోర్గినీ అంతర్జాతీయ మార్కెట్లలో విక్రయిస్తున్న లేటెస్ట్ సూపర్‌కార్ 'లాంబోర్గినీ హారికేన్' (Lamborghini Huracan) సెప్టెంబర్ 22న భారత మార్కెట్లో విడుదల కానుంది. ప్రపంచ వ్యాప్తంగా అత్యంత పాపులర్ అయిన లాంబోర్గినీ గల్లార్డో మోడల్‌కు సక్సెసర్‌గా ఈ లాంబోర్గినీ హారికేన్ సూపర్‌కారును తయారు చేశారు.

ఇది కూడా చదవండి: బుల్లెట్ ప్రూఫ్ మెర్సిడెస్ బెంజ్ ఎస్-గార్డ్

ఈ కారుకు 1879 కాలానికి చెందిన స్పానిష్ ఫైటింగ్ బుల్ (దున్నపోతు) నుంచి స్ఫూర్తి పొంది హారికేన్ అనే పేరును పెట్టారు. లాంబోర్గినీ హారికేన్ ఎల్‌పి 640-4 పేరులో ఎల్‌పి అంటే, 'లాంగిట్యూడినేల్ పోస్టెరీయోర్'. ఇది ఇంజన్ ఓరియంటేషన్‌ను ప్రతిభింభింపజేస్తుంది. ఇందులో 610 అంటే ఇంజన్ నుంచి వెలవడే శక్తి (పిఎస్‌లలో), 4 అంటే ఫోర్ వీల్ డ్రైవ్ అని అర్థం.

లాంబోర్గినీ హారికేన్ ఎల్‌పి 640-4 కారులో 5.2 లీటర్ వి10 ఫోర్ సిలిండర్ ఇంజన్‌ను ఉపయోగించారు. ఈ ఇంజన్ 8250 ఆర్‌పిఎమ్ వద్ద 610 పిఎస్‌ల శక్తిని, 560 ఎన్ఎమ్‌ల టార్క్‌ను ఉత్పత్తి చేస్తుంది. ఈ పవర్‌ఫుల్ ఇంజన్ లాంబోర్గినీ డోపియా ఫ్రిజియోన్ (ఎల్‌డిఎఫ్) సెవన్-స్పీడ్ డ్యూయెల్ క్లచ్ ట్రాన్సిమిషన్‌తో అనుసంధానం చేయబడి ఉంటుంది.

ఇది కూడా చదవండి: హై హీల్స్ కన్నా స్లిప్పర్స్ ధరించి డ్రైవ్ చేయటమే ప్రమాదం

ఈ కారు కేవలం 3.2 సెకండ్ల వ్యవధిలో 0-100 కి.మీ. వేగాన్ని, 9.9 సెకండ్ల వ్యవధిలో 0-200 కి.మీ. వేగాన్ని అందుకుంటుంది. దీని గరిష్టం వేగం గంటకు 325 కిలోమీటర్లు. ఎలక్ట్రానిక్ స్టెబిలిటీ కంట్రోల్, ఆప్షనల్ లాంబోర్గినీ డైనమిక్ స్టీరింగ్, మ్యాగ్నెటో-రియోలాజికల్ డ్యాంపర్స్ వంటి ఫీచర్లు ఇందులో ప్రధానంగా చెప్పుకోదగినవి. లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూ ఉండండి.