2017 నాటికి రోడ్లపై పరుగులు పెట్టనున్న 'యూరస్'

ఇటలీకు చెందిన ప్రముఖ సూపర్ కార్ల తయారీ సంస్ధ లాంబోర్గినీ తొలిసారిగా అభివృద్ధి చేసిన 'లాంబోర్గినీ యూరస్' (Lamborghini Urus) ఎస్‌యూవీ ఉత్పత్తి దశకు చేరుకునేందుకు మరో మూడేళ్ల సమయం పట్టనుంది. లాంబోర్గినీ తమ యూరస్ ఎస్‌యూవీ కాన్సెప్ట్‌ను తొలిసారిగా 2012లో చైనాలో జరిగిన బీజింగ్ ఆటో షోలో ఆవిష్కరించింది.

ఉత్పత్తికి సిద్ధంగా ఉండే ఈ పవర్‌ఫుల్, స్టయిలిష్ లాంబోర్గినీ యూరస్ ఎస్‌యూవీని 2017 నాటికి రోడ్లపై చూస్తామని లాంబోర్గినీ సీఈఓ స్టీఫెన్ వింకిల్‌మ్యాన్ వెల్లడించారు. అయితే, గతంలో ఒకానొక సందర్భంలో ఆడి సీఈఓ రూపెర్ట్ స్టాడ్లర్ 2016లో ఈ ఎస్‌యూవీని విడుదల చేస్తామని పేర్కొన్నారు. (జర్మన్ లగ్జరీ కార్ కంపెనీకు ఆడికు చెందిన సూపర్‌కార్ బ్రాండే లాంబోర్గినీ).

లాంబోర్గినీ యూరస్ కేవలం 5.4 అడుగుల ఎత్తును, 6.5 అడుగుల వెడల్పును, 16.4 అడుగుల పొడవును కలిగి ఉంటుంది. ఈ ఎస్‌యూవీని తేలికగా ఉంచేందుకు గానూ దీని తయారీలో కార్బన్ ఫైబర్ రీఫైన్డ్ పాలిమర్‌ను ఉపయోగించారు (అందుకే అంత వేగం). యూరస్ ఎస్‌యూవీని ఆల్-వీల్ డ్రైవ్ ఆప్షన్‌‌తో రూపొందించారు.
<center><iframe width="100%" height="450" src="//www.youtube.com/embed/dqvvFJC0cvU?rel=0" frameborder="0" allowfullscreen></iframe></center>