అక్టోబర్ 6న మారుతి సుజుకి సియాజ్ విడుదల

మారుతి సుజుకి సియాజ్ సెడాన్ విడుదలకు ముహుర్తం ఖరారైంది. అక్టోబర్ 6, 2014వ తేదీన మారుతి సియాజ్ సెడాన్‌కు బెంగుళూరు వేదికగా చేసుకొని గ్లోబర్ ప్రీమియర్ నిర్వహించనున్నారు. ఈమేరకు కంపెనీ మీడియాకు ఆహ్వానాలు కూడా పంపింది. మారుతి సుజుకి ఇండియా వైస్ ప్రెసిడెంట్ (సేల్స్ అండ్ మార్కెటింగ్) తరుణ్ గార్గ్ 'సియాజ్'ను ఆవిష్కరించనున్నారు.

మిడ్-సైజ్ సెడాన్ సెగ్మెంట్లో సంచలనాలు సృష్టించేందుకు వస్తున్న 'సియాజ్' సెడాన్ కోసం కంపెనీ సెప్టెంబర్ 3, 2014వ తేది నుంచే బుకింగ్స్ ప్రారంభించిన సంగతి తెలిసినదే. కేవలం రూ.21,000 అడ్వాన్సు మొత్తంతో మారుతి సుజుకి డీలర్లు సియాజ్ బుకింగ్‌లను స్వీకరిస్తున్నారు. మారుతి సుజుకి సియాజ్ పెట్రోల్ మరియు డీజిల్ ఇంజన్ ఆప్షన్లతో, మొత్తం ఏడు రంగులలో లభ్యం కానుంది.