Click it and Unblock the Notifications
కార్జాన్రెంట్ నుంచి 120 మెర్సిడెస్ బెంజ్ సి క్లాస్ కార్లకు ఆర్డర్
మెర్సిడెస్ బెంజ్ ఇండియాకు ఓ ప్రముఖ క్యాబ్ సేవల కంపెనీ నుంచి భారీ ఆర్డర్ లభించింది. భారతదేశపు ప్రముఖ పర్సనల్ గ్రౌండ్ ట్రాన్స్పోర్టేషన్ సొల్యూషన్ కంపెనీ కార్జాన్రెంట్ ఇండియా ప్రైవేట్ లిమిటెడ్ (సిఐపిఎల్) 120 మెర్సిడెస్ బెంజ్ సి-క్లాస్ లగ్జరీ సెడాన్ల కోసం ఆర్డర్ చేసింది. లగ్జరీ కార్లలో ఈ డీల్ భారతదేశంలో కెల్లా అతిపెద్ద సింగిల్ లార్జెస్ట్ కార్పోరేట్ డీల్ కావటం విశేషం.
అంతేకాకుండా.. ఈ 120 మెర్సిడెస్ బెంజ్ సి-క్లాస్ కార్ల చేరికతో, భారతదేశంలో కెల్లా అత్యధిక సంఖ్యలో లగ్జరీ కార్లను కలిగిన ఉన్న కంపెనీ కార్జాన్రెంట్ కూడా అగ్రస్థానంలో నిలిచింది. మెర్సిడెస్ బెంజ్ ఇండియా మేనేజింగ్ డైరెక్టర్ ఎబర్హార్డ్ కెర్న్ చేతుల మీదురగా కార్జాన్రెంట్ మేనేజింగ్ డైరెక్టర్ రాజీవ్ విజ్ ఈ లగ్జరీ సెడాన్లను అందుకున్నారు.
యువ భారతీయులలో పెరుగుతున్న సంపద మరియు సౌకర్యవంతమైన, విలాసవంతమైన ప్రయాణాన్ని కోరుకునే కస్టమర్ల సంఖ్య పెరుగుతుండటంతో లగ్జరీ కార్లకు భారీ డిమాండ్ ఏర్పడుతోంది. ఈ పరిస్థితుల నేపథ్యంలో పర్సనల్ ట్రాన్స్పోర్ట్ సేవలను అందించే కార్జాన్రెంట్ కంపెనీ నుంచి లగ్జరీ ట్రాన్స్పోర్ట్ కోరుకునే వారి సంఖ్య కూడా పెరుగుతుండటంకో సదరు కంపెనీ ఇంత భారీ సంఖ్యలో కార్లను ఆర్డర్ చేసింది.
కార్జాన్రెంట్ తమ వ్యాపార విస్తరణలో భాగంగా 2014-15 ఆర్థిక సంవత్సరంలో రూ.100 కోట్ల పెట్టుబడులను వెచ్చించనుంది. కార్జాన్రెంట్ దేశవ్యాప్తంగా ఉన్న 39 ప్రధాన నగరాల్లో, 100కు పైగా లొకేషన్లలో సేవలు అందిస్తోంది. వచ్చే 2017 కంపెనీ తమ మొత్తం కార్ల సంఖ్యను 30,000లకు పెంచుకోవాలని యోచిస్తోంది.
Continue with Google