రీ ఎంట్రీ ఇవ్వనున్న మెర్సిడెస్ మేబ్యాక్ ఎస్600

జర్మన్ లగ్జరీ కార్ కంపెనీ మెర్సిడెస్ బెంజ్, గతంలో నిలిపివేసిన తమ మేబ్యాక్ బ్రాండ్‌ను తిరిగి మార్కెట్లోకి తీసుకురానుంది. ఈ మేరకు సరికొత్త మెర్సిడెస్ మేబ్యాక్ ఎస్600 మోడల్‌కి సంబంధించిన ఓ టీజర్, ఇంటీరియర్ ఫొటోని కంపెనీ విడుదల చేసింది.

మరికొద్ది రోజుల్లో ప్రారంభం కానున్న 2014 లాస్ ఏంజిల్స్ ఆటో షోలో మెర్సిడెస్ బెంజ్ తమ సరికొత్ మేబ్యాక్ ఎస్600 లీమోజైన్ మోడల్‌ను ప్రదర్శనకు ఉంచనుంది. ఈ కారును కంపెనీ విక్రయిస్తున్న పాపులర్ ఎస్-క్లాస్ మోడల్ ఆధారంగా తయారు చేశారు.

ఇదే ఎస్-క్లాస్ ప్లాట్‌ఫామ్‌ని ఆధారంగా చేసుకొని కంపెనీ అభివృద్ధి చేస్తున్న ఓ ఎస్‌యూవీని కూడా 2016లో ఆవిష్కరించనున్నారు. మెర్సిడెస్ బెంజ్ 2012లో తమ మేబ్యాక్ ఉత్పత్తిని నిలిపివేసింది. మెర్సిడెస్ తమ సబ్-బ్రాండ్‌గా మేబ్యాక్ కార్లను విక్రయించేది.

రూ.340 లకే బైకర్ బైకింగ్ గ్లౌజ్, త్వరపడండి!

మెర్సిడెస్ మేబ్యాక్ ఎస్600 కారులో 6.0 లీటర్, వి12 ఇంజన్‌ను ఉపయోగించనున్నారు. ఈ ఇంజన్ గరిష్టంగా 530 హార్స్‌పవర్‌ల శక్తిని, 830 ఎన్ఎమ్‌ల టార్క్‌ని ఉత్పత్తి చేస్తుంది. లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ని గమనిస్తూ ఉండండి.