కేవలం 15 బుగాటి వేరాన్ కార్లు మాత్రమే మిగిలున్నాయ్!

ప్రపంచంలో కెల్లా అత్యంత వేగంగా పరుగులు తీసే కారు 'బుగాటి వేరాన్' (Bugatti Veyron) అమ్మకాలు దాదాపుగా పూర్తి కావస్తున్నాయి. ఇక కేవలం 15 యూనిట్ల వేరాన్ కార్లు మాత్రం విక్రయానికి అందుబాటులో ఉన్నాయి. ఆ తర్వాత ఈ పాపులర్ బుగాటి వేరాన్ ఉత్పత్తి నిలిచిపోనుంది. 2005లో తొలిసారిగా మార్కెట్లను తాకిన ఈ కారు ఉత్పత్తి తుది దశకు చేరుకోనుంది.

బుగాటి వేరాన్ ఉత్పత్తిని కంపెనీ కేవల 450 యూనిట్లకు మాత్రమే పరిమితం చేసింది. కాగా.. ఇందులో ఇప్పటే కంపెనీ 405 బుగాటి వేరాన్ కార్లు కస్టమర్లకు డెలివరీ అయ్యాయి. మిగిలిన 45 వేరాన్ కార్లలో 30 కార్లకు ఆర్డర్లు పెండింగ్‌లో ఉన్నాయి. ఇక మిగిలిన కేవలం 15 బుగాటి వేరాన్ కార్లు మాత్రమే. ఆ 15 కార్లను సొంతం చేసుకునే లక్కీ కస్టమర్ల కోసం కంపెనీ ఎదురుచూస్తోంది.

వీటిలో ఫాస్టెస్ట్ ప్రొడక్షన్ కారు 1200 పిఎస్ వేరాన్ సూపర్ స్పోర్ట్. ఇది 2010 మోడల్. ఫాస్టెస్ట్ ఓపెన్‌టాప్ ప్రొడక్షన్ కారు విషయానికి వస్తే, అది వేరాన్ 16.4 గ్రాండ్ స్పోర్ట్ విటెస్స్. ఇది 2012 మోడల్. కూపే వెర్షన్ వేరాన్ల ఉత్పత్తిని 300 యూనిట్లకు పరిమితం చేశారు కాబట్టి ఈ వెర్షన్ మోడళ్లు అప్పుడే ఖాలీ అయిపోయాయి. ఇక మిగిలినవి 150 యూనిట్లు రోడ్‌స్టర్ వెర్షన్లు. వీటిలో ఇప్పటికే 100 యూనిట్లు అమ్ముడుపోయాయి. అంటే, ఇక చివరికి మిగిలినవి 50 యూనిట్ల వేరాన్ రోడ్‌స్టర్ వెర్షన్లు మాత్రమే.