రెనో ట్రాఫిక్ ఆవిష్కరణ, త్వరలో విడుదల కావచ్చని అంచనా!

ఫ్రెంచ్ కార్ కంపెనీ రెనో తాజాగా 'ట్రాఫిక్' (Trafic) అనే కొత్త వ్యాన్‌ను ఆవిష్కరించింది. అంతర్జాతీయ మార్కెట్ల కోసం రూపొందించిన ఈ రెనో ట్రాఫిక్ వ్యాన్ మూడవ తరానికి (థర్డ్ జనరేషన్) చెందినది. ఇది ఈ సెగ్మెంట్లోని ఫోక్స్‌వ్యాగన్ ట్రాన్స్‌‌పోర్టర్, ఫోర్డ్ ట్రాన్సిట్ కస్టమ్ వంటి మోడళ్లతో పోటీ పడనుంది.

ఈ కొత్త 2014 రెనో ట్రాఫిక్ వ్యాన్ కొత్త షేపును కలిగి ఉండి, బోల్డ్ లుక్‌తో విశాలంగా ఉంటుంది. బెటర్ అప్పీరెన్స్ కోసం హెడ్‌లైట్స్, విండ్‌స్క్రీన్‌లను రివైజ్ చేశారు. డెంట్స్ నుంచి రక్షించేందుకు వీలుగా ఈ వ్యాన్ చుట్టూ ప్రొటెక్టివ్ వ్రాప్ ఉంటుంది. ఈ వ్యాన్ 1.6 లీటర్ డిసిఐ ఇంజన్‌తో ఆఫర్ చేయబడుతుంది. ఈ ఇంజన్ మెరుగైన మైలేజీని ఆఫర్ చేస్తుందని కంపెనీ పేర్కొంది.