2018 నాటికి అన్ని కార్లలో రివర్స్ పార్కింగ్ కెమెరా తప్పనిసరి!

కారులో ప్రయాణించే వారి భద్రత అలాగే రోడ్డుపై నడిచి వెళ్లే వారి భద్రతను దృష్టిలో ఉంచుకొని, 2018 నాటికి తమ దేశంలో తయారయ్యే అన్ని కార్లలో రివర్స్ పార్కింగ్ కెమెరాను తప్పనిసరి చేయాలని అమెరికా యోచిస్తోంది. ఈ మేరకు యూఎస్ నేషనల్ హైవే సేఫ్టీ ట్రాన్స్‌పోర్టేషన్ ఏజెన్సీ (ఎన్‌హెచ్‌టిఎస్ఏ) కొత్త నిబంధనను పరిచయం చేయనుంది.

ఈ కొత్త రూల్ ప్రకారం, మే 1, 2018 నాటికి అన్ని కార్లలో రివర్స్ పార్కింగ్ కెమెరాలు తప్పనిసరిగా ఉండాలి. అయితే, ఈ నిబంధనలో చిన్న సడలింపు కూడా ఉంది. ఈ నిబంధన అన్ని రకాల కార్లకు వర్తించదు. ఏ కారైతే 10,000 పౌండ్లకు మించి ధరను కలిగి ఉంటుందో అలాంటి కార్లలో మాత్రమే ఈ నిబంధన తప్పనిసరి కానుంది.

రివర్స్ పార్కింగ్ కెమెరాల సాయంతో కారు వెనుక వైపు ఉన్న వస్తువులు/మనుషులను వెనక్కు తిరిగి చూడాల్సిన అవసరం లేకుండానే డ్యాష్‌బోర్డుపై (లేదా రియర్ వ్యూ మిర్రర్‌పై) ఉండే డిజిటల్ డిస్‌ప్లేలో స్పష్టంగా చూడొచ్చు.