పర్యావరణ దినోత్సవం రోజున స్కొడా ఉచిత కాలుష్య తనిఖీ

ప్రపంచ పర్యావరణ దినోత్సవం (ప్రతి ఏటా జూన్ 5వ తేదీ)ను పురస్కరించుకొని స్కొడా ఇండియా రేపు (04.05.2014వ తేదీన) దేశవ్యాప్తంగా 'ఉచిత కాలుష్య తనిఖీ' (ఫ్రీ పొల్యూషన్ చెకప్)ను నిర్వహించనుంది. భారత ఆటోమొబైల్ తయారీదారుల సంఘం (సియామ్)తో కలిసి స్కొడా ఈ కార్యక్రమాన్ని నిర్వహించనుంది.

పర్యావరణ కాలుష్యం గురించి స్కొడా యజమానుల్లో అవగాహనను పెంచేందుకే ఈ క్యాంప్ నిర్వహిస్తున్నట్లు కంపెనీ పేర్కొంది. భవిష్యత్తు కోసం కాలుష్య రహిత సమాజాన్ని అందించేందుకు తమ కట్టుబాటులో భాగంగా దేశవ్యాప్తంగా ఉన్న స్కొడా అధీకృత డీలర్‌షిప్ కేంద్రాలు, సర్వీస్ సెంటర్ల వద్ద జూన్ 5వ తేదీన ఫ్రీ పొల్యూషన్ చెకప్ నిర్వహించనున్నారు (స్కొడా వాహనాలకు మాత్రమే).