Click it and Unblock the Notifications
బజాజ్ ఆర్ఈ60తో పోటీ పడనున్న టాటా ఐరిస్
క్వాడ్రిసైకిల్స్ (నాలుగు చక్రాల ప్యాసింజర్ కమర్షియల్ వెహికల్)కు భారత సర్కారు గ్రీన్ సిగ్నల్ ప్రకటించడంతో ఈ సెగ్మెంట్లోకి ప్రవేశించిందేంకు అనేక కంపెనీలు సిద్ధమవుతున్నాయి. బజాజ్ ఆటో ఇప్పటికే తమ ఆర్ఈ60తో సిద్ధంగా ఉండగా, తాజాగా ఈ విభాగంలోకి ప్రవేశించేందుకు టాటా మోటార్స్ కూడా ప్రణాళికలు రచిస్తోంది.
గడచిన ఫిబ్రవరిలో జరిగిన 2014 ఆటో ఎక్స్పోలో బజాజ్ ఆటో ఉత్పత్తికి సిద్ధంగా ఉన్న ఆర్ఈ60 క్వాడ్రిసైకిల్ను ప్రదర్శించిన సంగతి తెలిసినదే. ఈ వాహనాలకు ప్రభుత్వం పూర్తిస్థాయిలో ఆమోదం తెలిపిన తక్షణమే వీటిని మార్కెట్లోకి ప్రవేశపెట్టేందుకు బజాజ్ ఆటో సిద్ధంగా ఉంది. ప్రస్తుతం రోడ్లపై తిరుగుతున్న మూడు ఆటో రిక్షాలకు ప్రత్యామ్నాయంగా ఈ క్వాడ్రిసైకిళ్లను ప్రవేశపెట్టనున్నారు.
ఈ నేపథ్యంలో, టాటా మోటార్స్ కూడా తమ ఐరిస్ కాంపాక్ట్ ప్యాసింజర్ కమర్షియల్ వ్యాన్ ప్లాట్ఫామ్పై ఓ క్వాడ్రిసైకిల్ను తయారు చేసి, బజాజ్ ఆర్ఈ60కి పోటీగా ప్రవేశపెట్టేందుకు సన్నాహాలు చేస్తోంది. టాటా ఐరిస్ ఇప్పటికే దేశంలోని అనేక గ్రామాల్లో మంచి పాపులారిటీని కలిగి ఉంది, ఇది సిఎన్జి కిట్తో కూడా లభిస్తోంది.
అయితే, ఈ రెండు మోడళ్లకు భారీ వ్యత్యాసాలున్నాయి. బజాజ్ ఆర్ఈ60 కేవలం 400 కిలోల బరువును మాత్రమే కలిగి ఉంటే, టాటా ఐరిస్ 680 కిలోల బరువును కలిగి ఉంటుంది. ఆర్ఈ60లో 216సీసీ ఇంజన్ను ఉపయోగించగా, ఐరిస్లో 611సీసీ ఇంజన్ను ఉపయోగిస్తున్నారు.
బజాజ్ ఆర్ఈ60 2+2 లేదా 1+3 సీటింగ్ కెపాసిటీతో లభ్యం కానుంది. అలాగే టాటా ఐరిస్ 5-సీటర్గా కానీ లేదా మరింత విశాలవంతమైన 3 సీటర్గా కానీ లభ్యం కానుంది. ధర విషయంలో కూడా ఈ రెండు మోడళ్ల మధ్య భారీ వ్యత్యాసం ఉంది. బజాజ్ ప్రస్తుతం విక్రయిస్తున్న రూ.1.42 లక్షల ధర కలిగిన త్రిచక్ర వాహనాల కన్నా ఆర్ఈ60 ధర కొంచెం ఎక్కువగా ఉండనుంది.
అలాగే టాటా మోటార్స్ నుంచి లభిస్తున్న ఈ ఐరిస్ ధర సుమారు రూ.2 లక్షలకు పైగా ఉంటోంది. కానీ సేఫ్టీ విషయంలో ఆర్ఈ60 కన్నా టాటా ఐరిస్ కొంచెం బెటర్గా ఉండే అవకాశాలు కనిపిస్తున్నాయి.
Continue with Google