ఉమెన్స్ డే స్పెషల్: భారతీయ మహిళా బ్యాంకుతో టాటా డీల్

అంతర్జాతీయ మహిళా దినోత్సవాన్ని పురస్కరించుకొని దేశీయ ఆటోమొబైల్ దిగ్గజం టాటా మోటార్స్ భారతీయ మహిళా బ్యాంకు (బిఎమ్‌బి)తో ఓ ఒప్పందాన్ని కుదుర్చుకుంది. ఈ ఒప్పందంలో భాగంగా, టాటా మోటార్స్ అందిస్తున్న ప్యాసిజర్ వాహనాలను కొనుగోలు చేసేందుకు గాను మహిళలకు భారతీయ మహిళా బ్యాంక్ రుణ సదుపాయాన్ని కల్పించనుంది.

భారతదేశంలో ప్రత్యేకించి మహిళల కోసం ఈ తరహా ఒప్పందం కుదుర్చుకోవటం ఇదే ప్రప్రథమమని టాటా మోటార్స్ పేర్కొంది. కేవలం 10.5 శాతం వడ్డీ రేటుకే వాహన రుణాలు అందించేలా భారతీయ మహిళా బ్యాంకుతో ఒప్పందం కుదుర్చుకున్నామని, సదరు బ్యాంక్ ఏడేళ్ల కాల వ్యవధి వరకు రుణాలను మంజూరు చేస్తుందని కంపెనీ వివరించింది.