2014 ప్యారిస్ మోటార్ షో: ప్రొడక్షన్ వెర్షన్ టొయోటా ఐ-రోడ్

టొయోటా ఐ-రోడ్ ఒక టూ సీటర్ ఎలక్ట్రిక్ వెహికల్, ఇందులో ఇద్దరికి మాత్రమే చోటు ఉంటుంది. ఇందులోని బ్యాటరీలను పూర్తిగా ఛార్జ్ చేస్తే 30 మైళ్ల (50 కిలోమీటర్లు) దూరం ప్రయాణించవచ్చు.

'యాక్టివ్ లీన్' టెక్నాలజీ సాయంతో అభివృద్ధి చేసిన టొయోటా ఐ-రోడ్ కాన్సెప్ట్‌ను డ్రైవ్ చేయటం చాలా సులువు. ఇందులో ప్రయాణం కూడా చాలా సురక్షితంగాను, ఆహ్లాదకరంగాను ఉంటుంది.

తక్కువ విద్యుత్‌ను, తక్కువ స్థలాన్ని ఉపయోగించుకుని, పర్యావరణ సాన్నిహిత్యమైన వాహనాలపై 40 ఏళ్లుగా టొయోటా చేస్తున్న పరిశోధనలకు ఫలితమే ఈ ఐ-రోడ్ కాన్సెప్ట్.

ఈ వాహనంలోని బ్యాటరీని కేవలం 3 గంటల్లో పూర్తిగా ఛార్జ్ చేసుకోవచ్చు. సాధారణ ద్విచక్ర వాహనాలతో పోల్చుకుంటే ఐ-రోడ్ కాన్సెప్ట్‌లో ఎలాంటి వాతావరణంలో అయినా (దుమ్ము, ధూళి, వర్షం, ఎండ, చలి మొదలైనవి) సౌకర్యవంతంగా, సురక్షితంగా ప్రయాణించవచ్చు.

మూడు చక్రాలు కలిగిన ఈ టొయోటా ఐ-రోడ్ కాన్సెప్ట్ 2350 మి.మీ. పొడవును, 1445 మి.మీ. ఎత్తును, 1700 మి.మీ. వీల్‌బేస్‌ను కలిగి ఉండి తక్కువ పార్కింగ్ స్థలాన్ని ఆక్రమిస్తుంది. ముందు చక్రాల 2 కి.వా. సామర్థ్యం కలిగిన ఎలక్ట్రిక్ మోటార్లు ఉంటాయి, ఇవి లిథియం అయాన్ బ్యాటరీల సాయంతో నడుస్తాయి.

వీడియో

జపాన్ రోడ్లపై నిర్వహించిన టొయోటా ఐ-రోడ్ టెస్టింగ్ వీడియోను ఈ స్లైడ్‌లో వీక్షించండి.