కొత్త పార్కింగ్ ఫీచర్‌తో రానున్న టొయోటా కార్లు

జపనీస్ కార్ కంపెనీ టొయోటా తమ పోనోరమిక్ వ్యూ మోనిటర్‌కి కొత్త వ్యూయింగ్ మోడ్‌ని చేర్చడం ద్వారా తమ ఇంటెలిజెంట్ క్లియరెన్స్ సోనార్ (ఐసిఎస్) టెక్నాలజీని మెరుగు పరచింది. ఇదొక కొత్త పార్కింగ్ ఫీచర్. ఈ మోనిటర్ ద్వారా డ్రైవర్ కారు చుట్టు ప్రక్కల ప్రదేశాలను చెక్ చేసుకొని, ఇరుకుగా ఉండే ప్రదేశాలలో సైతం కారును సులువుగా పార్క్ చేసేందుకు సహకరిస్తుంది.

టొయోటా వచ్చే ఏడాది నుంచి గ్లోబల్ మార్కెట్లలో విక్రయించనున్న అన్ని మోడళ్లలోను ఈ కొత్త పార్కింగ్ ఫీచర్‌ను స్టాండర్డ్‌గా ఆఫర్ చేయనుంది. ఇంటెలింజెంట్ పార్క్ అసిస్ట్ ఈ ఐసిఎస్ టెక్నాలజీని ఉపయోగించుకొని, ఆటోమేటెడ్ బ్రేకింగ్ సాయంతో పొంచి ఉన్న ప్రమాదాలను అరికట్టేందుకు ఈ ఫీచర్ సహకరిస్తుంది.

ఈ పానోరమిక్ వ్యూ మోనిటర్‌ని సీ-త్రూ వ్యూతో ఇంప్రూవ్ చేశారు. దీని వలన వాహనం చుట్టుప్రక్కర డ్రైవర్ దృష్టి మరింత మెరుగ్గా ఉంటుంది. ప్రస్తుత మూవింగ్ వ్యూతో పోల్చుకుంటే, సీ-త్రూ ద్వారా డ్రైవర్ అడ్డంకులను సులువుగా గుర్తించేందుకు వీలవుతుంది. పార్కింగ్ స్థలాల్లో జరిగే ప్రమాదాలను అరికట్టేందుకు ఈ ఇంప్రూవ్‌మెంట్స్ చేయటం జరిగింది.