Click it and Unblock the Notifications
ఫోక్స్వ్యాగన్ నుంచి 10-స్పీడ్ డిఎస్జి ఆటోమేటిక్ గేర్బాక్స్
జర్మన్ కార్ కంపెనీ ఫోక్స్వ్యాగన్ భవిష్యత్తులో తయారు చేయబోయే కార్లలో 10-స్పీడ్ డ్యూయెల్ క్లచ్ ఆటోమేటిక్ గేర్బాక్స్ను ఉపయోగించనుంది. ఈ ఆటోమేటిక్ గేర్బాక్స్లో 10 గేర్లు ఉంటాయి. కాలుష్యాన్ని తగ్గించేందుకు మరియు ఇంజన్ సామర్థ్యాన్ని పెంచేందుకు ఈ 10-స్పీడ్ గేర్బాక్స్ సహకరిస్తుందని కంపెనీ పేర్కొంది.
ఫోక్స్వ్యాగన్ తమ 10-స్పీడ్ డిఎస్జి గేర్బాక్స్ 2020 నాటికి తమ వాహనాల్లో ఉపయోగించాలని యోచిస్తోంది. ప్రస్తుతం ఉపయోగిస్తున్న ఆటోమేటిక్ ట్రాన్సిమిషన్తో పోల్చుకుంటే, ఈ కొత్త 10-స్పీడ్ డిఎస్జి ఆటోమేటిక్ ట్రాన్సిమిషన్ను ఉపయోగించడం వలన ఇంజన్ సామర్థ్యం దాదాపు 15 శాతం వరకు పెరుగుతుందని కంపెనీ వివరించింది.
ప్రస్తుతం ఫోక్స్వ్యాగన్ అందిస్తున్న ఆటోమేటిక్ కార్లలో 6-స్పీడ్ డిఎస్జి ఆటోమేటిక్ గేర్బాక్స్ను ఉపయోగిస్తున్నారు. తమ కొత్త ఇంజన్ను లాంగిట్యూడినల్ అలాగే ట్రాన్స్వెర్స్ అప్లికేషన్లు రెండింటికీ ఉపయోగించుకోవచ్చని ఫోక్స్వ్యాగన్ తెలిపింది.
ఫోక్స్వ్యాగన్ భవిష్యత్తులో అందించబోయే పవర్ ప్యాక్డ్ మోడళ్ల యొక్క సామర్థ్యాన్ని, పెర్ఫార్మెన్స్ను మరింత పెంచేందుకు గాను ఈ కొత్త 10-స్పీడ్ గేర్బాక్స్ను ఉపయోగించనున్నారు. ఈ గేర్బాక్స్ను 500ఎన్ఎమ్ లేదా అంతకంటే ఎక్కువ టార్క్ను ఉత్పత్తి చేసే మోడళ్లలో ఉపయోగిస్తారు.
ఇదిలా ఉండగా.. ఓ సరికొత్త 4-సిలిండర్, 2.0 లీటర్ డీజిల్ ఇంజన్ను తయారు చేసే కొత్త ప్రాజెక్ట్ను ఫోక్స్వ్యాగన్ ధృవీకరించింది. ఈ ఇంజన్ గరిష్టంగా 236 బిహెచ్పిల శక్తిని ఉత్పత్తి చేస్తుంది. ఇందులో ట్విన్ టర్బోచార్జర్ ఉంటుంది. ఈ ఏడాది చివరి నాటికి తమ 8వ తరం పస్సాట్ లగ్జరీ సెడాన్లో ఈ కొత్త ఇంజన్ను పరిచయం చేయనున్నారు.
Continue with Google