ఆటో ఎక్స్‌పో 2016 తేదీలు వెల్లడి

ఆటో ఎక్స్‌పో 2016 తేదీలు వెల్లడయ్యాయి. గడచిన సంవత్సరం ఫిబ్రవరిలో నిర్వహించిన ఆటో ఎక్స్‌పో 2014 తర్వాత వస్తున్న 13వ ఎడిషన్ ఆటో ఎక్స్‌పో 2016 కోసం ఇప్పటి నుంచే ఏర్పాట్లు ప్రారంభమవుతున్నాయి. ఈ అంతర్జాతీయ ఆటో షోకి కేవలం మరో ఏడాది మాత్రమే సమయం ఉన్న నేపథ్యంలో, నిర్వాహకులు రిజిస్ట్రేషన్లు, వేదిక ఏర్పాట్లను చేస్తున్నారు.

ప్రతి రెండేళ్లకు ఒకసారి జరిగే ఈ భారత ఆటోమొబైల్ ఫెస్టివల్ 'ఆటో ఎక్స్‌పో' వచ్చే ఏడాది (2016) ఫిబ్రవరి 5వ తేది నుంచి ప్రారంభమై 9వ తేదీ వరకు జరగనుంది. ఎప్పటి మాదిరిగానే వచ్చే ఏడాది కూడా ఈ కార్యక్రమాన్ని మా డ్రైవ్‌స్పార్క్ బృందం ప్రత్యక్షంగా కవర్ చేయనుంది.

ఇకపోతే విడిభాగాలకు సంబంధించిన ఆటో ఎక్స్‌పోను ఇదివరకు నిర్వహించినట్లుగానే న్యూఢిల్లీలోని ప్రగతి మైదాన్‌లో నిర్వహిస్తారు. కార్లకు సంబంధించిన ఆటో ఎక్స్‌పో గ్రేటర్ నోయిడాలో ఫిబ్రవరి 5 నుంచి 9, 2016వ తేది వరకు జరుగుతుంది (ఫిబ్రవరి 5, 6 తేదీలు కేవలం ప్రెస్‌ను మాత్రమే అనుమతిస్తారు, సాధారణ ప్రజలను ఫిబ్రవరి 7 నుంచి 9 వరకు అనుమతిస్తారు).

ప్రగతి మైదాన్‌లోని కాంపోనెంట్ షోను ఫిబ్రవరి 4 నుంచి 7వ తేది వరకు నిర్వహిస్తారు. కాగా.. 2016 ఢిల్లీ ఆటో ఎక్స్‌పోకి సంబంధించి ఎప్పటికప్పుడు లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూ ఉండండి.