డెట్రాయిట్ ఆటో షో ప్రెస్ కిట్‌లను ఈబేలో అమ్మేస్తున్నారు!

ప్రపంచ ప్రఖ్యాతి చెందిన ఆటో షోలలో ఒకటైన డెట్రాయిట్ ఆటో షో ఈనెల 12వ తేదీ నుంచి 25వ తేదీ వరకూ అమెరికాలో జరుగనుంది. ఈ డెట్రాయిట్ ఆటో షోని నార్త్ అమెరికన్ ఇంటర్నేషనల్ ఆటో షో (ఎన్ఏఐఏఎస్) అని కూడా పిలుస్తారు.

ప్రతి ఆటో షో మాదిరిగానే, ఈ 2015 డెట్రాయిట్ ఆటో షో కూడా అనేక కొత్త కార్ల ఆవిష్కరణలకు, సరికొత్త సాంకేతికతల ప్రదర్శనకు వేదికగా నిలుస్తోంది. ఆటో షోలకు విచ్చేసే మీడియా మిత్రులకు, ప్రముఖులకు కార్ మేకర్లు మీడియా ప్రెస్ కిట్‌లతో స్వాగతం పలుకుతారు.

ఈ మీడియా కిట్‌లలో స్కేల్ మోడళ్లు, పెన్ డ్రైవ్‌లు, బ్యాగ్‌లు మొదలైన వస్తువులు ఉంటాయి. ఎవరు ముందుగా స్టాల్‌కి వెళ్తారో వారికి మాత్రమే ఇవి దక్కుతాయి. కొందరైతే, ప్రత్యేకించి ఈ మీడియా కిట్‌ల కోసమే ఆటో షోలకు వెళ్తుంటారు. ఇలా సేకరించిన అరుదైన వస్తువులను ఇతరులకు కానుకగా ఇస్తుంటారు.

ఈ క్రేజ్‌‍ను క్యాష్ చేసుకోవాలనుకునే కొందరు మాత్రం, వీటి ఈబే ద్వారా వేలానికి పెట్టారు. ఎవరు ఎక్కువ బిడ్ చేస్తే, వారికే ఈ ప్రోడక్ట్స్ దక్కుతాయి. హోండా తమ పాపులర్ స్పోర్ట్ కార్ ఆక్యురాని ఆవిష్కరించిన సందర్భంగా ఇచ్చిన మీడియా కిట్‌లోని స్కేల్ మోడల్, పెన్ డ్రైవ్ వంటి వాటితో పాటుగా ఇతర వస్తువులను కూడా ఇలా ఆన్‌లైన్ ద్వారా అమ్మేస్తున్నారు.