జాతీయ రహదారులపై 125 టోల్ ప్లాజాల తొలగింపు: నితిన్ గడ్కరీ

జాతీయ రహదారులపై ప్రయాణించాలంటే, టోల్ గేట్ల బాదుడు ప్రయాణీకులను బెంబేలెత్తిస్తోంది. ఈ నేపథ్యంలో, ఫిబ్రవరి నెలాఖరు నాటికి దేశంలో పలు జాతీయ రహదారులపై సుమారు 125 టోల్ ప్లాజాలను తొలగించాలని ప్రభుత్వం యోచిస్తోంది.

ఈ విషయంపై కేంద్ర రవాణా మంత్రి నితిన్ గడ్కరీ మాట్లాడుతూ.. ఈ నెలాఖరు నాటికి కొన్ని హైవేలపై 125 టోల్ ప్లాజాలను రద్దు చేయనున్నట్లు ప్రకటించారు. దాదాపు 65 రోడ్ ప్రాజెక్టుల వద్ద టోల్ కలెక్షన్ నిలిపివేసినట్లు కూడా ఆయన తెలిపారు.

ముంబై-ఢిల్లీ జాతీయ రహదారిపై ఉన్న 350 టోల్ పాయింట్లలో 140 టోల్ పాయింట్లను ఇప్పటికే ఈ-టోల్ పాయింట్లుగా మార్చినట్లు గడ్కరీ తెలిపారు. దేశంలో ఈ-టోల్ పని పూర్తయితే, సమారు రూ.88,000 కోట్లు ఆదా అవుతుందని ఆయన వివరించారు.