Click it and Unblock the Notifications
చికాగో ఆటో షోలో సరికొత్త 2015 హోండా పైలట్ ఎస్యూవీ ఆవిష్కరణ
జపనీస్ కార్ కంపెనీ హోండా, పూర్తిగా రీఇంజనీరింగ్ మరియు రీడిజైన్ చేసిన పైలట్ ఎస్యూవీని ఫిబ్రవరిలో జరగనున్న 2015 చికాగో ఆటో షోలో ఆవిష్కరించనుంది. ఈ మేరకు కంపెనీ తమ పైలట్ ఎస్యూవీకి సంబంధించి ఓ టీజర్ ఫొటోని కూడా విడుదల చేసింది.
ఈ కొత్త 2015 హోండా పైలట్ ఎస్యూవీ డిజైన్, డెవలప్మెంట్ని పూర్తిగా అమెరికాలోని చేశారు. ఎనిమిది మంది ప్యాసింజర్లు కూర్చునే విధంగా డిజైన్ చేసిన ఈ ఫుల్ సైజ్ ఎస్యూవీని ఫిబ్రవరి 12వ తేది జరనున్న చికాగో ఆటో షోలో ప్రదర్శనకు ఉంచనున్నారు.
కొత్త టెక్నాలజీ, అధునాత సేఫ్టీ, క్లాస్ లీడింగ్ ఫ్యూయెల్ ఎకానమీ (మైలేజ్), స్పేస్ అండ్ కంఫర్ట్ వంటి పలు అంశాల్లో హోండా పైలట్ ప్రస్తుత 3-రో (మూడు వరుసల) ఎస్యూవీ సెగ్మెంట్లో ఓ కొత్త బెంచ్మార్క్ను సృష్టిస్తుందని హోండా మోటార్ కార్పోరేషన్ పేర్కొంది.
పెద్ద కుటుంబాలను టార్గెట్గా చేసుకొని ఈ ఎస్యూవీని డిజైన్ చేసినట్లు హోండా తెలిపింది. ఈ ఏడాది వేసవి నాటికి అమెరికాలోని అన్ని హోండా డీలర్షిప్ కేంద్రాలలో ఇది అందుబాటులోకి రానున్నట్లు కంపెనీ తెలిపింది.
ఈ 2015 చికాగో ఆటో షోలో హోండా తమ సరికొత్త పైలట్ ఎస్యూవీతో పాటుగా రీడిజైన్ చేయబడిన సిఆర్-వి ఎస్యూవీ మరియు సరికొత్త హోండా హెచ్ఆర్-వి క్రాసోవర్లను కూడా ప్రదర్శించనుంది. ఈ రెండు మోడళ్లు కూడా ఈ ఏడాదే మార్కెట్లోకి రానున్నాయి.
Continue with Google