అయ్యయ్యో..! మారుతి ఆల్టో రీకాల్.. ఇంతకీ సమస్యేంటి..?

దేశపు అగ్రగామి ప్యాసింజర్ కార్ల తయారీ సంస్థ మారుతి సుజుకి ఇండియా అందిస్తున్న చిన్న కారు ఆల్టోలో చిన్నపాటి సమస్య తలెత్తింది. కంపెనీ విక్రయించిన ఆల్టో 800, ఆల్టో కె10 మోడళ్లలో కుడిచేతి వైపు ఉండే డోర్ ల్యాచ్ (హ్యాండిల్)ను చెక్ చేసేందుకు కంపెనీ మొత్తం33,098 యూనిట్ల ఆల్టో కార్లను కార్లను రీకాల్ చేసింది.

ఈ మొత్తం 33,098 కార్లలో 19,780 యూనిట్లు ఆల్టో 800 కార్లు కాగా, 13,318 యూనిట్లు ఆల్టో కె10 కార్లు ఉన్నట్లు కంపెనీ వివరించింది. డిసెంబర్ 8, 2014వ తేదీ నుంచి ఫిబ్రవరి 18, 2015వ తేదీ మధ్య కాలంలో ఉత్పత్తి అయిన ఆల్టో కార్లు మాత్రమే ఈ రీకాల్‌కు వర్తిస్తాయి.

డీలర్‌షిప్‌కు తీసుకువచ్చే ఆల్టో కార్లను టెక్నీషియన్లు ఉచితంగా చెక్ చేసి, లోపపూరితమైన భాగాన్ని ఉచితంగా రీప్లేస్ చేస్తారు.